Levitikus 25:10 - An Bibel Kernewek 20234 (Kernewek Kemmyn)

¹⁰ Ha hwi a sansha an degves blydhen ha dew-ugens ha deklarya rydhses der oll an tir dhe oll y drigoryon. Y fydh yubile dhywgh, ha hwi a dhehwel pub den oll dh'y berghennogeth ev ha pub den oll dh'y deylu.

Levitikus 25:10 ပူးပေါင်းရင်းမြစ်များ

Ezra 1:3

Piwpynag a vo yn agas mysk yn-mes a oll y bobel a yll mos yn-bann dhe Yerusalem usi yn Yuda ha drehevel chi an Arloedh, Duw Ysrael – ev yw an Duw usi yn Yerusalem – ro bo y Dhuw ganso.

Salmow 146:7

neb a wra gwirvreus rag an re arweskys, neb a re boes dhe'n re nownek. An Arloedh a dhelirv prisnoryon dhe wari;

Eksodus 20:2

My yw an Arloedh dha Dhuw, neb a'th tros yn-mes a bow Ejyp, yn-mes a'n chi a gethneth.

Ysay 49:9

rag leverel dhe'n brisnoryon, ‘Dewgh yn-mes’, dhe'n re usi yn tewlder, ‘Omdhiskwedhewgh!’ Peuri a wrons ryb an fordhow, war oll an ugheldiryow moel y fydh aga feurva.

Ysay 63:4

Rag yth esa dydh dial y'm kolonn, ha blydhen ow daspren re dheuth.

Yeremia 34:10

Lemmyn pan glewas an bennsevigyon hag oll an bobel res eth y'n kevambos, i oll dhe livra aga hethyon ha'ga hethesow, ma nag ens arta yn kethneth, i a veu gostydh ha'ga livra.

Yeremia 34:8

An ger hag a dheuth dhe Yeremia a-dhiworth an Arloedh wosa myghtern Sedekia dhe wul kevambos gans oll an bobel yn Yerusalem dhe wrontya rydhses dhedha,

Ezekiel 46:17

Mes mar re ro dhiworth y eretons dhe onan a'y wesyon, y fydh dhodho bys vlydhen y livreson; ena ev a dhehwel dhe'n pennsevik. Ny vydh y eretons marnas rag y vebyon..

Levitikus 25:11

An degves blydhen ha dew-ugens a vydh yubile dhywgh. Ny wrewgh hwi hasa, na mysi an pyth a dyv y honan ena, na kuntell an grappys dhiworth dha winbrenn na veu skethrys.

Levitikus 25:13

Yn blydhen ma an yubile, pub den ahanowgh a dhehwel dh'y berghennogeth.

Levitikus 25:41

Ena ev a omdenn dhiworthis, ev ha'y fleghes ganso, hag ev a dhehwel dh'y deylu ev; dhe berghennogeth y dasow y hwra ev dehweles.

Levitikus 25:54

Ha mar nyns yw dasprenys yndella, ev a vydh rydhhes yn blydhen an yubile, ev ha'y fleghes ganso.

Luk 1:74

ma'n serfyn ev heb own, livrys mes a dhorn agan eskerens

2 Korinthianys 3:17

Lemmyn an Arloedh yw an Spyrys; ha plepynag usi Spyrys an Arloedh, ena rydhses yma.

Galatianys 4:25

Hagar yw menydh Sinay yn Arabia hag a styr Yerusalem, kepar dell yw y'n eur ma, rag kethes yw hi keffrys ha'y fleghes.

Galatianys 5:13

Rag hwi a veu gelwys dhe rydhses, a vreder, saw na wrewgh dhe'n rydhses ri spas dhe'n kig, mes dre gerensa bedhewgh servysi an eyl dh'y gila.

1 Peder 2:16

Bedhewgh rydh mes heb gul devnydh a rydhses avel klok droktra, mes kepar ha gwesyon Duw.