Levitikus 24:7 - An Bibel Kernewek 20234 (Kernewek Kemmyn)

⁷ Ha ty a worr frankynkys pur war bub rew, dhe vos rann govadh rag an bara, offrynn dre dan dhe'n Arloedh.

Levitikus 24:7 ပူးပေါင်းရင်းမြစ်များ

Jenesis 9:16

Ha'n warak a vydh y'n kommol ha my a vir orti may perthiv kov a'n kevambos bys vykken yntra Duw ha pub kreatur bew a bub kig usi war an nor.’

Eksodus 12:14

An jydh ma a vydh dydh kovadh dhywgh, ha hwi a wra y witha avel goel dhe'n Arloedh; der agas henedhow hwi a wra y witha avel ordenans bys vykken.

Eksodus 13:9

Hag y fydh dhis avel tokyn war dha dhorn hag avel kov yntra dha dhewlagas, may fo lagha an Arloedh yn dha anow; rag dre leuv grev an Arloedh re'th tros yn-mes a Ejyp.

Eksodus 17:14

Ha'n Arloedh a leveris dhe Moyses, ‘Skrif hemma yn lyver avel kovadh, ha'y dhasleverel yn diwskovarn Yoshua may tileav yn tien kov Amalek a-dhann nev.’

Eksodus 28:12

Ha ty a worr an dhew ven war skoedhlienyow an efod, avel meyn kov rag mebyon Ysrael; hag Aron a wra doen aga henwyn war y dhiwskoedh a-rag an Arloedh yn kovadh.

Ysay 43:23

Ny dhuges dhymm dha dheves rag offrynn leskys, na'm enora gans dha sakrifisow. Ny'th veghis gans offrynnow, na'th skwitha gans frankynkys.

Levitikus 2:1

Ha pan vynn nebonan offrynna offrynn greun dhe'n Arloedh, y offrynn a vydh bleus fin hag ev a wra dinewi oyl warnodho ha gorra frankynkys warnodho.

Levitikus 2:2

Hag ev a'n dre dhe vebyon Aron, an oferysi, hag ev a gemmer dornas a'y vleus fin ha'y oyl gans oll y frankynkys, ha'n oferyas a lesk rann govadh anodho war an alter, offrynn dre dan, sawer plegadow dhe'n Arloedh.

Levitikus 2:9

Ha'n oferyas a gemmer rann govadh an offrynn greun ha'y leski war an alter, offrynn dre dan, sawer plegadow dhe'n Arloedh.

Yowann 6:35

Yesu a leveris dhedha, ‘My yw an bara a vewnans; neb a dheu dhymmo vy ny'n jevydh nown bynitha, ha neb a grys ynnov vy ny'n jevydh syghes nevra.

Yowann 6:51

My yw an bara bew a dheuth yn-nans dhiworth nev; mar teber den a'n bara ma, ev a vew bynitha; ha'n bara a rov yw ow hig, rag bewnans an bys.’

Oberow 10:31

ha leverel, “Kornelius, dha bysadow re beu klewys ha'th alusenow re beu kovhes dherag Duw.

Oberow 10:4

Ev a viras stark orto, ha kemmerys gans own ev a leveris, ‘Pandra, ytho, Arloedh?’ Hag ev a leveris dhodho, ‘Dha bysadow ha'th alusenow re yskynnas avel kovadh dherag Duw.

Efesianys 1:6

dhe wormel splannder y ras a wrontyas dhyn y'n Karadow;

Ebrowyon 7:25

Yndellma, ev a yll selwel, rag oll termyn, an re a nes dhe Dhuw dredho, rag ev a vew prest dhe bysi ragdha.