Levitikus 23:39 - An Bibel Kernewek 20234 (Kernewek Kemmyn)

³⁹ Y'n pymthegves dydh a'n seythves mis, pan wrussowgh hwi kuntell frut an tir, hwi a syns goel an Arloedh seyth dydh; y'n kynsa dydh y fydh sabot solem, hag y'n ethves dydh y fydh sabot solem.

Levitikus 23:39 ပူးပေါင်းရင်းမြစ်များ

Eksodus 23:16

Ty a wra gwitha goel an drevas, a gynsa frut a'th wonis, a'n pyth a hesydh y'n gwel. Ty a wra gwitha goel an kuntell yn diwedh an vlydhen, pan guntellowgh frut dha lavur a'n gwel.

Levitikus 23:24

Kows orth mebyon Ysrael, ow leverel: Y'n seythves mis, yn kynsa dydh an mis, y fydh dhywgh sabot solem, kovadh deklarys gans hwytha hirgern, kuntelles sans.

Levitikus 23:34

Kows orth mebyon Ysrael, ow leverel: An pymthegves dydh a'n seythves mis a vydh goel an skovvaow dhe'n Arloedh.

Levitikus 23:36

Seyth dydh hwi a offrynn offrynnow dre dan dhe'n Arloedh. Y'n ethves dydh y fydh kuntelles sans ragowgh, ha hwi a offrynn offrynn dre dan dhe'n Arloedh. Kuntelles solem yw, ha ny wrewgh hwi ober arvethys.

Levitikus 23:38

war-barth gans sabotys an Arloedh, ha war-barth gans agas rohow, ha war-barth gans oll agas ambosow, ha war-barth gans oll agas offrynnow bolonjedhek dhe'n Arloedh.

Levitikus 23:40

Y'n kynsa dydh hwi a gemmer frut a wydh splann, delyow palmwydh, skorrennow a wydh delyek ha helyk a'n gover; ha hwi a lowenha seyth dydh dherag an Arloedh agas Duw.

Dewteronomi 16:13

Ty a wra goel an skovvaow seyth dydh wosa kuntell dhiworth dha leur-drushya ha'th winwask.