Levitikus 23:38 - An Bibel Kernewek 20234 (Kernewek Kemmyn)

³⁸ war-barth gans sabotys an Arloedh, ha war-barth gans agas rohow, ha war-barth gans oll agas ambosow, ha war-barth gans oll agas offrynnow bolonjedhek dhe'n Arloedh.

Levitikus 23:38 ပူးပေါင်းရင်းမြစ်များ

2 Kroniklys 31:14

Kore mab Ymna an Levyas, gwithyas yet an howldrevel, a'n jevo charj a'n rohow bolonjedhek res dhe Dhuw, rag kevrenna an kevro gwrys dhe'n Arloedh ha'n offrynnow an moyha sans.

Salmow 56:13

Rag ty re dhelivras ow enev dhiworth ankow, ha'm treys dhiworth trebuchya, rag may kerthiv a-rag Duw yn golow an re vew.

Salmow 76:12

Ev a fronn an spyrys a bennsevigyon; euthyk yw ev orth myghternedh an nor.

Ezekiel 46:12

Pan wra an pennsevik provia offrynn bolonjedhek, offrynn leskys po offrynn kres, avel offrynn bolonjedhek dhe'n Arloedh, an yet a vir troha'n est a vydh igerys ragdho; hag ev a offrynn y offrynn leskys ha'y offrynnow kres dell wra yn dydh an sabot. Ena ev a omdenn, ha wosa ev dhe omdenna, an yet a vydh deges.

Levitikus 19:3

Pubonan ahanowgh a wra revrons dh'y das ha'y vamm ha synsi ow sabotys. An Arloedh agas Duw ov vy.

Levitikus 23:3

Yma hwegh dydh may fydh ober gwrys, ha'n seythves dydh yw sabot powes, kuntelles sans. Ny wrewgh hwi gul ober vyth. Sabot an Arloedh yw yn oll agas trigvaow.

Levitikus 23:37

An re ma yw goelyow an Arloedh a wrewgh hwi aga deklarya dhe vos kuntellesow sans, dhe offrynna offrynn dre dan dhe'n Arloedh, offrynn leskys hag offrynn greun, sakrifis, hag offrynnow diwes, pup-tra y'n jydh ewn;

Levitikus 23:39

Y'n pymthegves dydh a'n seythves mis, pan wrussowgh hwi kuntell frut an tir, hwi a syns goel an Arloedh seyth dydh; y'n kynsa dydh y fydh sabot solem, hag y'n ethves dydh y fydh sabot solem.

Niverow 29:39

An re ma hwi a wra offrynna dhe'n Arloedh yn agas goelyow, keffrys ha'gas ambosow ha'gas offrynnow bolonjedhek, rag agas offrynnow leskys, ha rag agas offrynnow greun, ha rag agas offrynnow diwes, ha rag agas offrynnow kres.

Dewteronomi 12:6

Hwi a dhre di agas offrynnow leskys, ha'gas sakrifisow, ha'gas degedhow, hag offrynnow drehevys a'gas leuv, ha'gas ambosow, ha'gas offrynnow bolonjedhek, ha'n re kynsa-genys a'gas chatel ha'gas flokkys,