Levitikus 22:2 - An Bibel Kernewek 20234 (Kernewek Kemmyn)

² Lever dhe Aron ha'y vebyon may tyghtyons gans revrons offrynnow sans mebyon Ysrael, ha na dhefollons ow hanow sans y'n taklow a sakrons dhymmo vy. An Arloedh ov vy.

Levitikus 22:2 ပူးပေါင်းရင်းမြစ်များ

Ezra 8:28

Yn-medhav dhedha, ‘Hwi yw sans dhe'n Arloedh ha'n lestri yw sans ynwedh. An arghans ha'n owr yw offrynn bolonjedhek dhe'n Arloedh, Duw agas tasow;

Eksodus 13:12

ty a wra profya dhe'n Arloedh peub a iger an brys. Pub kynsa-genys a'th warthek yw gorow a vydh dhe'n Arloedh.

Eksodus 28:38

War dal Aron y fydh, hag Aron a wra omgemmeres kabel pynag a dheffo a'n offrynn sans sakrys gans mebyon Ysrael avel aga rohow sans; y fydh pup-prys war y dal may fons degemmerys a-rag an Arloedh.

Ysay 52:11

Treylyewgh, treylyewgh, dewgh yn-mes alena, na dochyewgh tra avlan. Dewgh yn-mes anodho ha bedhewgh glan, hwi neb a dheg lestri an Arloedh.

Ezekiel 44:8

Ny withsowgh charj a'm taklow sans, mes hwi re settyas erell dhe witha charj a'm sentri.

Levitikus 15:31

Yndella hwi a dhiberth mebyon Ysrael dhiworth aga avlander, ma na varwons yn aga avlander drefenn defola ow thabernakel usi yn aga mysk.

Levitikus 18:21

Ha ny wredh gasa dha has dhe vos sakrifiys dhe Molek, na ny wredh disakra hanow dha Dhuw. An Arloedh ov vy.

Levitikus 19:12

Ha ny wrewgh hwi ti yn fals re'm hanow vy, na defola hanow dha Dhuw. An Arloedh ov vy.

Levitikus 20:3

Ha my a vynn settya ow fas erbynn an gour na ha'y dreghi dhe-ves a'y bobel, rag ev re ros a'y has dhe Molek dhe dhefola ow sentri ha disakra ow hanow sans.

Levitikus 21:6

I a vydh sans dh'aga Duw, ha ny dhisakrons hanow aga Duw, rag i a offrynn offrynnow dre dan dhe'n Arloedh, bara aga Duw. Ytho, sans vydhons.

Levitikus 22:1

Ha'n Arloedh a gewsis orth Moyses, ow leverel:

Levitikus 22:32

Ny wrewgh hwi defola ow hanow sans, mes my a vydh sanshes yn mysk mebyon Ysrael. An Arloedh ov vy, neb a wra agas sanshe,

Niverow 18:32

Ha ny dhegowgh pegh dre hemma, pan dhrehevowgh an gwella anodho. Mes ny dhisakrowgh taklow sans mebyon Ysrael, ma na verwowgh.

Dewteronomi 15:19

Pub kynsa-genys gorow a vo genys y'th gre hag y'th flokk ty a saker dhe'n Arloedh dha Dhuw. Ny wonedhydh gans kynsa-genys dha oghen, na knyvyas kynsa-genys dha flokk.