Levitikus 19:31 - An Bibel Kernewek 20234 (Kernewek Kemmyn)

³¹ Na dreylyewgh dhe nygromons, ha na hwilewgh koelyogyon, dhe vos defolys gansa. An Arloedh ov vy.

Levitikus 19:31 ပူးပေါင်းရင်းမြစ်များ

2 Myghternedh 17:17

I a wre dh'aga mebyon ha myrghes tremena dre dan; i a dhevnydhya dewinieth ha pystri; hag i a omros aga honan dhe wul drog yn golok an Arloedh, orth y brovokya dhe sorr.

2 Myghternedh 21:6

Ev a wre dh'y vab tremena dre dan; ev a wre dewinieth ha pystri, ha dyghtya nygromons ha pystrioryon. Ev a wrug meur a dhrog yn golok an Arloedh, orth y brovokya dhe sorr.

2 Myghternedh 23:24

Hwath pella, Yosia a dhistruis an nygromonsoryon, an goelyogyon, an terafim, an imajys, hag oll an taklow kasadow a veu gwelys yn pow Yuda hag yn Yerusalem. Yndella ev a fastyas geryow an lagha o skrifys y'n lyver a gavas Hilkia an oferyas yn chi an Arloedh.

1 Kroniklys 10:13

Sowl a verwis drefenn y vos dislen dhe'n ARLOEDH. Ny withas ger an Arloedh hag ynwedh ev a hwilas kusul dhiworth nygromons,

2 Kroniklys 33:6

Ev a wre dh'y vebyon tremena dre dan yn nans mab Hinnom, hag a wre dewinieth ha pystri ha hus, hag a hwila kusul dhiworth nygromons. Ev a wrug droktraow pals yn golok an Arloedh, orth y brovokya dhe sorr.

Eksodus 22:18

Ny esydh pystriores dhe vewa.

Ysay 29:4

Ty a vydh dres isel, ha kewsel dhiworth an dor, ha dha lavar a vydh ankler y'n mes a'n doust. Dha lev a vydh avel nygromons yn-mes a'n dor, ha dha lavar a hwyster yn-mes a'n doust.

Ysay 47:13

Skwith yth os gans dha gusulyansow pals; seves ha'th sawya an re a hwither an nevow, neb a vir orth an ster; an re a dhargan yn termyn an loer nowydh an pyth a dheu warnas.

Ysay 8:19

Mar leverons dhywgh, ‘Hwilewgh kusul a nygromonsoryon ha koelyogyon neb a hwyster ha hanasa; a ny goedh dhe bobel hwila aga Duw, hwila kusul an re varow a-barth an re vew

Levitikus 19:26

Ny wrewgh hwi dybri travyth gans goes. Ny wrewgh hwi dewinieth na koela orth koelyek.

Levitikus 19:3

Pubonan ahanowgh a wra revrons dh'y das ha'y vamm ha synsi ow sabotys. An Arloedh agas Duw ov vy.

Levitikus 20:27

Gour po benyn neb a wra nygromons po neb a vo koelyek a vydh gorrys dhe'n mernans yn sur. I a vydh labydhys gans meyn. Aga goes a vydh warnedha.

Oberow 8:11

Hag i a goela orto drefenn ev dhe worra marth ynna der y bystri dres termyn hir.

Galatianys 5:20

gordhyans idolys, pystri, kas, strif, envi, sorr, strif, fowt akord, eresys,

Diskwedhyans 21:8

Mes an ownogyon, ha'n dhiskryjygyon, ha'n re gasadow, ha denledhysi, ha'n re a wra fornikasyon, ha pystrioryon ha gordhyoryon idolys, ha pub gowleveryas a's teves aga rann y'n lynn a lesk gans tan ha loskven, hag yw an nessa mernans.’

1 Samuel 28:3

Lemmyn Samuel o marow, hag oll Ysrael a gynis ragdho, ha'y ynkleudhyas yn Rama, y sita y honan. Sowl re bellhasa an nygromonsoryon ha'n goelyogyon mes a'n pow.