Levitikus 19:13 - An Bibel Kernewek 20234 (Kernewek Kemmyn)

¹³ Ny wre'ta arwaska dha gentrevek na'y robbya. Ny wra gober gwas arvethys gortos genes jy oll an nos bys y'n myttin.

Levitikus 19:13 ပူးပေါင်းရင်းမြစ်များ

Jamys 5:4

Otta, gobrow an wonisysi a vysas agas gwelyow hag a wrussowgh gwitha dhiworta yn fals, ymons ow karma; ha garmow an vysoryon re dhrehedhas diwskovarn Arloedh an luyow.

Malaki 3:5

Ha my a dheu nes dhywgh rag breus. Ha my a vydh test uskis erbynn an hudoryon ha'n avoutroryon, ha'n re a de yn fals, hag erbynn an re a doell an gweythor a'y wober, an wedhwes ha'n omdhivas, ha treylya dhe-ves an alyon, ha na berthons own ahanav, yn-medh Arloedh an luyow.

Yeremia 22:13

Go-ev a dhrehav y ji der anewnder, ha'y jambouryow dre gammhynseth; neb a wra dh'y gentrevek lavurya heb gober, heb ri travyth dhodho rag y lavur;

Lavarow Koth 20:10

Poesow divers ha musuryow divers, an dhew yw tra gasadow dhe'n Arloedh.

Mark 10:19

Ty a woer an gorhemmynnow, “Na wra avoutri, Na ladh, Na lader, Na dhog fals dhustuni, Na doell, Enor dha das ha'th vamm.” ’

Ezekiel 22:29

Pobel an tir re arwaskas ha ladra; i re debeldhyghtyas an boghosek ha'n edhommek, hag arwaska an alyon, ow nagha gwirvreus.

Yeremia 22:3

Yndellma y lever an Arloedh: Gwrewgh gwirvreus hag ewnder, ha delivrewgh a-dhiworth dorn an arwasker an den a veu dalghennys. Ha na wrewgh kammhynseth na freudh dhe'n alyon, an omdhivas, na'n wedhwes, po skoellya goes gwiryon y'n tyller ma.

Eksodus 22:21

Ny wredh kammdhyghtya alyon na'y arwaska, drefenn hwi dhe vos alyons yn pow Ejyp.

Eksodus 22:15

Mars yw an perghennek ganso ny wra daskorrans; mars yw arvethys, y teu yn pris y arveth.

1 Thessalonianys 4:6

heb treuspassya na gul kamm dh'y vroder na'y doella y'n dra ma, rag bos an Arloedh dialor yn oll an taklow ma, kepar dell leversyn dhywgh kyns ha desta.

Luk 3:13

Hag ev a leveris dhedha, ‘Na guntellewgh moy es dell yw ordenys dhywgh.’

Lavarow Koth 22:22

Na lader dhiworth an boghosek rag y vos boghosek; na vrew an edhommek orth an yet.

Job 31:39

mar tybris y askorr heb talas, po terri spyrys y wonedhysi;

Levitikus 6:3

po mar kavas neppyth o kellys ha leverel gow yn y gever ha ti yn fals a-dro dhe onan a'n taklow gwrys gans den, ha pegha yndellma:

Eksodus 22:13

Mar pydh skwardys gans bestes, gas ev dh'y dhri yn dustuni; ny wra daskorrans rag an pyth re beu skwardys.

Matthew 20:8

Ha devedhys an gorthugher, arloedh an winlann a leveris dh'y vayli, “Galw an oberwesyon ha ro dhedha aga gober, ow talleth gans an re dhiwettha hag ena mos dhe'n re gynsa.”

1 Timothi 5:18

Rag yn-medh an skryptor, ‘Ny wredh kelmi min ojyon ow trushya’, hag, ‘An oberwas a dhervynn y wober.’

Eksodus 20:15

Na wra ladra.

Eksodus 22:7

Gour mar re dh'y gentrevek arghans po gwara dhe witha, hag y fydh ledrys dhiworth chi an gour, ena, mar pydh kevys an lader, ev a wra tyli dewblekkweyth.

Job 17:5

Neb a guhudh y gowetha rag gober, dewlagas y vebyon a fyll.

Lavarow Koth 3:28

Na lavar dhe'th kentrevek, ‘Ke, ha deus arta, hag a-vorow my a'n re’ – pan usi an dra genes.

Ezekiel 18:7

nag arwaska denvyth, mes ev a dhaskorr an pyth a gemmeras avel gaja rag prestenn; mar ny wra ladrynsi, mes ev a re y vara dhe'n nownek, ha kwetha an noeth gans dillasenn,

Ezekiel 22:12

Ynnos i re gemmeras falswober dhe skoellya goes; ty re gemmeras oker ha goroker, ha kemmeres gwayn dhiworth dha gentrevek der arwask, ha ty re'm ankevsys, yn-medh an Arloedh Duw.

Levitikus 25:14

Mar kwerthydh neppyth dhe'th kentrevek, po prena dhiworth dha gentrevek, ny wrewgh hwi gwaska an eyl y gila.

Levitikus 25:17

Ytho, ny wrewgh hwi gwaska an eyl y gila, mes ty a berth own a dha Dhuw, rag an Arloedh agas Duw ov vy.

Job 7:2

Kepar ha kethwas neb a'n jeves hwans a skeus, ha kepar hag arvethesik a hwila y wober,