Levitikus 17:6 - An Bibel Kernewek 20234 (Kernewek Kemmyn)

⁶ Ha'n oferyas a skoell an goes war alter an Arloedh, orth daras tylda an kuntelles, ha leski an blonek dhe wul sawer plegadow dhe'n Arloedh.

Levitikus 17:6 ပူးပေါင်းရင်းမြစ်များ

Eksodus 29:13

Ha ty a gemmer oll an blonek a worher an pottys, ha stagell an avi, ha'n dhiw loneth ha'n blonek eus warnedha, ha'ga leski war an alter.

Eksodus 29:18

ha leski an hordh dien war an alter; yth yw offrynn leskys dhe'n Arloedh; yth yw sawer plegadow, offrynn dre dan dhe'n Arloedh.

Ezekiel 44:15

Mes an oferysi leviek, mebyon Sadok, an re a withas charj a'm sentri pan eth mebyon Ysrael yn sowdhan dhiworthiv, i a dheu nes dhymm dhe'm servya, hag i a sev a-ragov dhe offrynna dhymm blonek ha goes, yn-medh an Arloedh Duw.

Levitikus 17:5

Hemm yw, may trollo mebyon Ysrael aga sakrifisow a sakrifions y'n gwel igor, orth aga thri dhe'n Arloedh, dhe dharas tylda an kuntelles, dhe'n oferyas, ha'ga sakrifia avel offrynnow kres dhe'n Arloedh.

Levitikus 3:11

Ha'n oferyas a's lesk war an alter avel boes, offrynn dre dan dhe'n Arloedh.

Levitikus 3:13

hag ev a worr y leuv war hy fenn ha'y ladha dherag tylda an kuntelles, ha mebyon Aron a skoell an goes war an alter a-derdro.

Levitikus 3:16

Ha'n oferyas a's lesk war an alter avel boes, offrynn dre dan avel sawer plegadow. Oll an blonek a vydh rag an Arloedh.

Levitikus 3:2

Hag ev a worr y leuv war benn y offrynn ha'y ladha orth daras tylda an kuntelles, ha mebyon Aron, an oferysi, a wra skoellya an goes war an alter a-derdro.

Levitikus 3:5

Ha mebyon Aron a's lesk war an alter war an sakrifis leskys usi war an prenn usi war an tan. Offrynn dre dan yw, sawer plegadow dhe'n Arloedh.

Levitikus 3:8

hag ev a worr y leuv war benn y offrynn ha'y ladha dherag daras tylda an kuntelles, ha mebyon Aron a wra skoellya y woes war an alter a-derdro.

Levitikus 4:31

Hag ev a gemmer dhe-ves oll y vlonek, dell yw an blonek kemmerys dhe-ves dhiworth sakrifis an offrynnow kres, ha'n oferyas a'n lesk war an alter, sawer plegadow dhe'n Arloedh, ha'n oferyas a wra dehwelyans ragdho, ha gevys vydh dhodho.

Niverow 18:17

Mes kynsa-genys ojyon, po kynsa-genys davas, po kynsa-genys gaver, ny dhasprenydh; sans yns. Ty a skoell aga goes war an alter, ha leski aga blonek avel offrynn dre dan, sawer plegadow dhe'n Arloedh;