Levitikus 1:13 - An Bibel Kernewek 20234 (Kernewek Kemmyn)

¹³ Mes ev a wolgh an pottys ha'n garrow gans dowr; ha'n oferyas a dhre oll anodho ha'y leski war an alter. Sakrifis leskys yw, offrynn dre dan, sawer plegadow dhe'n Arloedh.

Levitikus 1:13 ပူးပေါင်းရင်းမြစ်များ

Jenesis 8:21

Ha'n Arloedh a vlasas an sawer plegadow, ha'n Arloedh a leveris yn y golonn, ‘Ny wrav vy mollethi an dor namoy drefenn mab-den; rag drog yw bodh kolonn mab-den a-dhia y yowynkneth. Ny wrav namoy gweskel pub tra vew, dell wrug vy.

2 Kroniklys 4:6

Ev a wrug ynwedh deg golghell, hag a worras pymp a-gledh ha pymp a-dhyghow, rag golghi. Ynna i a wolghas daffar an offrynn leskys, mes an mor o rag an oferysi dhe omwolghi.

Ezekiel 40:38

Yth esa hel gans hy daras ryb postow an yetow; ena i a wolghi an offrynn leskys.

Levitikus 1:9

Mes y bottys ha'y arrow ev a's golgh yn dowr; ha'n oferyas a lesk pup-tra oll war an alter avel offrynn leskys, offrynn dre dan, sawer plegadow dhe'n Arloedh.

Levitikus 2:11

Ny vydh offrynn vyth a wre'ta dri dhe'n Arloedh gwrys gans goell; rag ny wrewgh leski goell na mel vyth yn offrynn dre dan dhe'n Arloedh.

Levitikus 2:2

Hag ev a'n dre dhe vebyon Aron, an oferysi, hag ev a gemmer dornas a'y vleus fin ha'y oyl gans oll y frankynkys, ha'n oferyas a lesk rann govadh anodho war an alter, offrynn dre dan, sawer plegadow dhe'n Arloedh.

Levitikus 3:5

Ha mebyon Aron a's lesk war an alter war an sakrifis leskys usi war an prenn usi war an tan. Offrynn dre dan yw, sawer plegadow dhe'n Arloedh.

Levitikus 4:31

Hag ev a gemmer dhe-ves oll y vlonek, dell yw an blonek kemmerys dhe-ves dhiworth sakrifis an offrynnow kres, ha'n oferyas a'n lesk war an alter, sawer plegadow dhe'n Arloedh, ha'n oferyas a wra dehwelyans ragdho, ha gevys vydh dhodho.

Levitikus 6:14

Hemm yw lagha an offrynn greun. Mebyon Aron a'n offrynn dherag an Arloedh dherag an alter.

Levitikus 8:21

Hag ev a wolghas an pottys ha'n garrow yn dowr, ha Moyses a loskas an hordh dien war an alter avel offrynn leskys, sawer plegadow, offrynn dre dan dhe'n Arloedh, dell erghis an Arloedh dhe Moyses.

Niverow 15:3

hag offrynna offrynn dre dan dhe'n Arloedh, offrynn leskys, po sakrifis dhe gollenwel ambos, po avel offrynn bolonjedhek a'n chatel po a'n flokk po orth agas goelyow apoyntys, rag gul sawer plegadow dhe'n Arloedh,

Niverow 15:4

ena neb a dhre offrynn a wra profya dhe'n Arloedh offrynn greun a unn degves rann a efa a vleus fin, kemmyskys gans kwarter hin a oyl;

Niverow 28:11

Yn dallethow agas misyow ty a wra offrynna offrynn leskys dhe'n Arloedh: dew darow yowynk, unn hordh, seyth oen unn bloedh heb namm;

Niverow 28:8

An oen arall ty a wra offrynna gorthugherweyth; avel an offrynn greun y'n myttin, ha kepar ha'y offrynn diwes. Ty a'n offrynn avel offrynn dre dan, sawer plegadow dhe'n Arloedh.

Dewteronomi 12:27

Ty a wra dha offrynnow leskys, an goes ha'n kig, war alter an Arloedh dha Dhuw; ha goes dha sakrifisow a vydh dinewys war alter an Arloedh dha Dhuw, mes an kig y tybrydh.