Lavarow Koth 8:15 - An Bibel Kernewek 20234 (Kernewek Kemmyn)

¹⁵ Dredhov myghternedh a reyn, ha rewloryon a orden an pyth yw ewn;

Lavarow Koth 8:15 ပူးပေါင်းရင်းမြစ်များ

1 Myghternedh 10:9

Benniges re bo an Arloedh dha Dhuw a lowenhas ynnos ha'th worra war dron Ysrael! Drefenn an Arloedh dhe'th kara bys vykken, ev a'th wrug myghtern dhe wul gwirvreus hag ewnhynseth.’

1 Myghternedh 3:28

Ysrael oll a glewas a'n vreus re rosa an myghtern; hag i a ownas an myghtern, drefenn i dhe weles bos furneth Duw ynno, dhe wul barn.

1 Myghternedh 3:9

Ro dhe'th was ytho kolonn a yll konvedhes rag barna dha bobel ha dissernya yntra da ha drog; rag piw a yll barna dha bobel mar veur ma?’

1 Myghternedh 5:7

Pan glewas Hiram geryow Solomon ev a lowenhas yn feur, ha leverel, ‘Re bo benniges an Arloedh hedhyw, re ros dhe Davydh mab fur dhe vos a-ugh an bobel veur ma.’

1 Kroniklys 28:5

A oll ow mebyon (rag Arloedh re ros dhymm lies mab) ev re dhewisas Solomon ow mab dhe esedha war dron myghterneth an Arloedh war Ysrael.

2 Kroniklys 1:10

Ro dhymm lemmyn furneth ha godhvos rag may hylliv mos yn-mes ha dos a-ji a-rag an bobel ma, rag piw a yll rewlya dha bobel veur ma?’

2 Kroniklys 1:11

Duw a worthybis dhe Solomon, ‘Drefenn bos hemma y'th kolonn, ha ny byssys dhiworthiv pythow, rychys, glori, na bewnans an re a'th kas, ha pella ny byssys dhiworthiv bewnans hir, mes ty re bysis furneth ha godhvos ragos dha honan, rag may hylli rewlya ow fobel ma'th wrug vy myghtern warnedha,

Salmow 2:10

Ytho bedhewgh fur lemmyn, hwi vyghternedh; gwrewgh vri a'n gwarnyans ma, hwi vreusysi an norvys.

Salmow 99:4

An Galloesek yw Myghtern hag a gar gwirvreus; ty re fastyas ewnhynseth, ty re wrug gwirvreus hag ewnder yn Yakob.

Lavarow Koth 29:4

Dre wirvreus myghtern a re faster dhe'n vro, mes neb a wra gorholedhow poes a's distru.

Lavarow Koth 8:16

dredhov pennternedh a rewl, ha pennsevigyon, oll myns a wovern yn ewn.

Ysay 1:26

My a wra restorya dha vreusysi kepar ha kyns, ha dha gonseloryon kepar hag y'n dalleth. Wosa hemma ty a vydh henwys sita an ewnder, an sita len.

Yeremia 33:15

Y'n dydhyow na hag y'n termyn na my a wra Skorrenn a wiryonedh dhe sevel rag Davydh; ev a wra gwirvreus hag ewnder y'n tir.

Daniel 2:21

Ev a dreyl an prysyow ha'n sesonyow; ev a remov myghternedh ha sevel myghternedh; ev a ro furneth dhe'n re fur, ha godhvos dhe'n re a woer konvedhes.

Daniel 4:25

may fi fesys pell dhiworth tus, ha'th annedh a vydh gans bestes gwyls, gwrys dhe dhybri gwels avel oghen, ha glybys gans gluth an nevow. Warnas y tremen seyth seson, bys pan gonvedhydh bos an Ughella rewler yn gwlaskor mab-den, hag y's re dhe neb a vynno.

Daniel 4:32

hag i a'th fes pell dhiworth tus, ha'th annedh a vydh gans an bestes gwyls, hag i a'th wra dhe dhybri gwels avel oghen; warnas y tremen seyth seson bys pan wodhvydhydh bos an Ughella rewler yn gwlaskor mab-den, hag ev a's re dhe neb a vynno.’

Matthew 28:18

Ha Yesu a dheuth, ha kewsel dhedha, ow leverel, ‘Pub galloes yn nev ha war an nor re beu res dhymm.

Romanyon 13:1

Bedhes pub enev gostydh dhe'n ughella routers. Rag nyns eus galloes marnas a Dhuw, ha'n re a gevir re beu ordenys gans Duw.

Diskwedhyans 19:11

Ha my a welas nev igerys, hag otta, margh gwynn hag ev neb o esedhys warnodho o henwys Len ha Gwir, hag yn ewnder ev a vreus ha gwerrya.

Diskwedhyans 19:16

Ha war y vantell ha war y vordhos, hanow yw skrifys: Myghtern myghternedh, hag Arloedh arlydhi.

1 Samuel 16:1

Ha'n Arloedh a leveris dhe Samuel, ‘Pygemmys prys y fydhydh ow kyni rag Sowl? My re'n skonyas a vones myghtern war Ysrael. Lanw dha gorn gans oyl, ha ke, my a'th tannvon dhe Yesse an Bethlehemyas, rag my re brovias ragov ow honan myghtern yn mysk y vebyon.’

1 Samuel 9:17

Ha pan welas Samuel Sowl, an Arloedh a leveris dhodho, ‘Otta an gour a gewsis dhis anodho. Ev yw neb a rewl ow fobel.’