Lavarow Koth 6:26 - An Bibel Kernewek 20234 (Kernewek Kemmyn)

²⁶ rag y hyllir gobrena hora a dorth-vara, mes gwreg gour arall a breydh poran an enev drudh.

Lavarow Koth 6:26 ပူးပေါင်းရင်းမြစ်များ

Jenesis 39:14

hi a elwis tus hy chi ha kewsel orta ow leverel, ‘Mirewgh, ev re dhros dhyn ni gour ebrow, dhe wul ges ahanan. Ev a dheuth dhymm dhe wrowedha genev, ha my a elwis gans lev ughel.

Jenesis 39:7

Hag y hwarva, wosa an taklow ma, y trehevis gwreg y arloedh hy dewlagas war Yosep, ha leverel, ‘Gwra growedha genev.’

Lavarow Koth 23:28

Rag hi a gontrewayt avel lader, hag a ynkress an avoutroryon yn mysk tus.

Lavarow Koth 29:3

Neb a gar furneth a wra y das lowen, mes neb yw koweth horys a skoell y arghans.

Lavarow Koth 29:8

An skornyoryon a fagel sita, mes an re fur a dreyl sorr dhe-ves.

Lavarow Koth 5:10

rag own estrenyon dhe vos lenwys a'th nerth, ha'th lavuryow dhe vos yn chi alyon;

Lavarow Koth 5:9

rag own ty dhe ri dha enor dhe re erell, ha'th vlydhynyow dhe dhen fell;

Lavarow Koth 6:27

A yll gour doen tan yn y askra, ha'y dhillas bos heb aga leski?

Lavarow Koth 7:23

bys pan wra seth gwana y avi; dell fysk edhen yn maglenn, ha ny woer ev kost hemma dhe vos y vewnans.

Ezekiel 13:18

ha lavar, Yndellma y lever an Arloedh Duw: Go-i an benynes usi ow kwrias bondow war bub konna-bregh ha gul kudhlennow rag pennow a bub ughelder, ow helghya enevow. A helghyowgh enevow ow fobel ha gwitha agas enevow agas honan yn few?

Ezekiel 13:8

Rakhenna yndellma y lever an Arloedh Duw: Drefenn hwi dhe gewsel euveredh ha gweles gwelesigethow gowek, ottavy er agas pynn, yn-medh an Arloedh Duw.

Luk 15:30

Mes pan dheuth dha vab ma, neb re gollonkas dha vewnans gans horys, ty a ladhas ragdho an leugh peskys.”

1 Samuel 2:36

Ena peub yw gesys y'th chi a dheu ha plegya dhe'n dor a-ragdho rag tamm a arghans ha torth-vara, ha leverel, Gorr vy, my a'th pys, yn neb soedh oferyasek, rag may hallav dybri tamm a vara.” ’