Lavarow Koth 6:16 - An Bibel Kernewek 20234 (Kernewek Kemmyn)

¹⁶ Yma hwegh tra a gas an Arloedh, seyth yw tra gasadow dhodho:

Lavarow Koth 6:16 ပူးပေါင်းရင်းမြစ်များ

2 Myghternedh 21:16

Hag ynwedh Manasse a skoellyas meur a woes gwiryon, bys pan lenwis ev Yerusalem a'n eyl penn dh'y gila, war-barth gans an pegh may hwrug ev dhe Yuda y begha, ow kul an pyth o drog yn golok an Arloedh.

Job 5:19

Ev a wra dha dhelivra dhiworth hwegh trobel; yn seyth ny wra drog mann dha dochya.

Salmow 11:5

An Arloedh a brev an den gwiryon ha'n tebelwas, ha'y enev a gas an den a gar garowder.

Salmow 5:7

Mes my a dheu y'th chi dre dha dregeredh meur; my a ombleg troha'th tempel sans yn own ahanas.

Lavarow Koth 11:1

Fals vantol yw tra gasadow dhe'n Arloedh, mes poes ewn yw y dhelit.

Lavarow Koth 11:20

Tus a golonn dreus yw tra gasadow dhe'n Arloedh, mes an re a fordhow divlam yw y dhelit.

Lavarow Koth 12:22

Gweusyow gowek yw tra gasadow dhe'n Arloedh, mes an re a omdheg yn lel yw y dhelit.

Lavarow Koth 17:15

Neb a akwit an tebelwas ha neb a dhampen an den gwiryon, aga dew yw tra gasadow dhe'n Arloedh.

Lavarow Koth 20:10

Poesow divers ha musuryow divers, an dhew yw tra gasadow dhe'n Arloedh.

Lavarow Koth 20:23

Poesow divers yw tra gasadow dhe'n Arloedh ha nyns yw da fals vantol.

Lavarow Koth 21:4

Lagasow howtyn ha kolonn woethus, lugarn an debeles, yw pegh.

Lavarow Koth 3:32

rag an den gorth yw tra gasadow dhe'n Arloedh, mes yma y gevrin gans an re ewnhynsek.

Lavarow Koth 30:18

Yma tri thra yw re varthys ragov, peswar na'm beus aga honvedhes:

Lavarow Koth 30:21

Yn-dann dri thra an norvys a dhegren, yn-dann beswar ny'n jeves sevel:

Lavarow Koth 30:24

Yma peswar tra y'n norvys yw byghan, mes fur dres eghenn yth yns:

Lavarow Koth 30:29

Tri thra yw teg yn aga herdhes, peswar yw teg yn aga gwayans:

Lavarow Koth 6:15

Ytho y derroes a dheu warnodho distowgh, a-ji dhe brysweyth ev a vydh brewys dres sawya.

Lavarow Koth 6:17

lagasow goethus, taves gowek, diwla hag a skoell goes gwiryon,

Lavarow Koth 8:13

Own an Arloedh yw kasa; goeth ha balghder ha'n fordh a dhroktra ha kows treus a gasav.

Yeremia 26:15

Mes godhvydhewgh yn sur, mara'm gorrowgh dhe'n mernans, hwi a dhre goes gwiryon warnowgh agas honan ha war an sita ma ha'y annedhysi, rag yn gwiryonedh an Arloedh re'm dannvonas dhe gewsel oll an geryow ma yn agas skovornow.’

Amos 1:11

Yndellma y lever an Arloedh: Rag tri hammweythres a Edom, ha rag peswar, ny wrav vy hepkorr an kessydhyans; drefenn ev dhe helghi y vroder gans kledha, ha taga y druedh; ha'y sorr a skwardyas bynitha, hag ev a withas y gonnar bys vykken.

Amos 1:3

Yndellma y lever an Arloedh: Rag tri hammweythres a Damaskus, ha rag peswar, ny wrav vy hepkorr an kessydhyans; drefenn i dhe dhrushya Gilead gans draylellow-drushya a horn.

Amos 1:6

Yndellma y lever an Arloedh: Rag tri hammweythres a Gaza, ha rag peswar, ny wrav vy hepkorr an kessydhyans; drefenn i dhe dhoen pobel gowal yn divroedh orth aga delivra dhe Edom.

Amos 1:9

Yndellma y lever an Arloedh: Rag tri hammweythres a Tyr, ha rag peswar, ny wrav vy hepkorr an kessydhyans; drefenn i dhe dhelivra pobel gowal dhe Edom, ha ny borthsons kov a'n kevambos a vrederedh.

Amos 2:1

Yndellma y lever an Arloedh: Rag tri hammweythres a Moab, ha rag peswar, ny wrav vy hepkorr an kessydhyans; drefenn ev dhe leski dhe lim eskern myghtern Edom.

Amos 2:4

Yndellma y lever an Arloedh: Rag tri hammweythres a Yuda, ha rag peswar, ny wrav vy hepkorr an kessydhyans; drefenn i dhe skonya lagha an Arloedh, ha ny withsons y ordenansow, mes aga fals dhuwow re wrug dhedha sowdhanas, may kerdhas aga thasow war aga lergh.

Amos 2:6

Yndellma y lever an Arloedh: Rag tri hammweythres a Ysrael, ha rag peswar, ny wrav vy hepkorr an kessydhyans; drefenn i dhe wertha an den gwiryon a arghans, ha'n edhommek a dhiw eskis.

Zekaria 8:17

na brederewgh drog yn agas kolonn erbynn agas kentrevek, ha na gerewgh gowlia. My a gas oll an re na, yn-medh an Arloedh.

Dewteronomi 23:18

Na dhro gober hora, na arveth ki, a-bervedh yn chi an Arloedh dha Dhuw rag ambos vyth, rag pyth kasadow dhe'n Arloedh yw aga dew.

Dewteronomi 24:4

ena hy hynsa gour neb a's dannvonas dhe-ves ny yll hy hemmeres dhodho arta avel gwreg wosa hy bos defolys. Henna a via pyth kasadow a-rag an Arloedh. Na dhro pegh war an tir a wra an Arloedh dha Dhuw y ri dhis avel eretons.

Dewteronomi 25:16

Rag kasadow a-rag an Arloedh dha Dhuw yw peub a wra an taklow ma, peub a wra kammhynseth.

Diskwedhyans 21:27

Ha ny wra entra ynni travyth y'n bys a vo avlan, na neb a wra tra gasadow, po gowleverel, marnas seul yw skrifys yn lyver bewnans an Oen.