Lavarow Koth 5:22 - An Bibel Kernewek 20234 (Kernewek Kemmyn)

²² An tebelwas yw maglennys gans y gammweythresow y honan, hag ev a vydh synsys fast yn kerdyn y begh.

Lavarow Koth 5:22 ပူးပေါင်းရင်းမြစ်များ

1 Myghternedh 18:18

Ev a worthybis, ‘Ny droblis Ysrael; mes ty ha chi dha das a'n gwrug, drefenn hwi dhe eskasa gorhemmynnow an Arloedh ha holya an Baalim.

Ester 9:25

mes pan veu hi devedhys a-rag an myghtern, ev a erghis dre lytherow may tehwella y dhroktowl a dowlsa erbynn an Yedhewon war y benn y honan, ha bos ev ha'y vebyon kregys war an wydhenn.

Job 18:8

Rag ev yw tewlys yn roes der y dreys y honan; ev a gerdh bys yn maglenn.

Salmow 40:12

Rag ankenyow diniver re dheuth a-dro dhymm; ow hammweythresow re'm dalghennas ma na allav mires yn-bann; moy aga niver yns i ages blewennow ow fenn, ha'm kolonn a fyll dhymm.

Salmow 9:15

An kenedhlow re sedhis y'n pytt a wrussons; y'n roes a gudhsons, aga throes aga honan re beu kechys.

Salmow 9:17

An debeles a dhehwel dhe ifarn, oll an kenedhlow hag a ankovas Duw.

Lavarow Koth 1:18

mes an re ma a gontrewayt rag aga goes aga honan, i a skolk dhe vaglenna aga bewnans aga honan.

Lavarow Koth 11:3

Glander an re ewnhynsek a's kevarwoedh, mes kammder an re fals a's distru.

Lavarow Koth 11:5

Ewnder an re heb blam a wra aga fordh dhe vos kompes, mes an tebelwas a goedh der y dhroktra y honan.

Lavarow Koth 11:6

Gwiryonder an re ewnhynsek a's delirv, mes an falswesyon yw maglennys gans aga lust.

Lavarow Koth 12:14

A froeth y anow gour a gyv y walgh a dhader, hag ober diwleuv den a vydh attylys dhodho.

Lavarow Koth 14:32

An tebelwas yw domhwelys der y dhroktra, mes an den gwiryon a'n jeves harber yn y lander.

Lavarow Koth 18:7

Ganow foll yw y dhiswrians, ha'y dhiwweus yw antell dh'y enev y honan.

Lavarow Koth 24:12

Mar leverydh, ‘Ny'n godhyen’, a ny'n gwel ev neb a boes an kolonnow? A ny'n goer ev neb a with dha enev? A ny attal dhe dhen herwydh y oberow?

Lavarow Koth 26:27

Neb a bal pytt a goedh ynno, ha mar rol men, ev a rol war-dhelergh warnodho.

Ekklesiastes 7:26

Ha my a gyv bos moy hwerow ages mernans an venyn neb yw hy holonn maglennow ha roesow, ha neb yw hy diwla bondys. Neb yw da a-rag Duw a dhienk dhiworti, mes maglennys yw an peghador gensi.

Yeremia 2:19

Dha dhrogedh dha honan a'th keredh, ha'th weythresow dislel a'th chasti: godhvydh ytho ha gweles y vos drog ha hwerow, ty dhe eskasa an Arloedh dha Dhuw, ha ma nag eus ow own ynnos, yn-medh an Arloedh, Duw an luyow.

Kynvannow 1:14

Kelmys veu ow threuspassow warnav avel yew; gans y leuv y fons nedhys war-barth ha gorrys war ow honna, ow kul dhe'm nerth fyllel; an Arloedh re'm ros yn diwla tus ma na allav sevel.

Obadia 1:15

Rag ogas yw dydh an Arloedh rag oll an kenedhlow. Kepar dell wrussys, yndellma y fydh gwrys dhiso jy; dha attal a dheu war dha benn dha honan.

Niverow 32:23

Mes mar ny wrewgh yndellma, otta, hwi re beghas erbynn an Arloedh; ha bedhewgh sur, agas pegh a wra agas diskevra.

Ebrowyon 13:4

Bedhes priosoleth synsys yn enor gans peub, ha bedhes andhefolys gweli an demmedhyans; rag Duw a vreus an re dhijast ha'n avoutroryon.

Breusysi 20:41

Ena an Ysraelysi a dreylyas ha'n Benyaminysi a borthas own, rag i a wodhya terroesa dhe dhos warnedha.

Breusysi 9:57

ha Duw a wrug may koedhas oll droktra tus Shekem war aga fenn, ha warnedha y teuth molleth Yotham mab Yerubbaal.