Lavarow Koth 5:16 - An Bibel Kernewek 20234 (Kernewek Kemmyn)

¹⁶ Na as dha fentynyow dhe fenna y'n stret, na goverow a dhowr y'n plenys.

Lavarow Koth 5:16 ပူးပေါင်းရင်းမြစ်များ

Jenesis 24:60

Hag i a vennigas Rebeka ha leverel dhedhi, ‘Agan hwoer osta; re bi mamm dhe vilyow a dhegow a vilyow, ha re berghenno dha has yet an re a's kas.’

Salmow 127:3

Otta, ertach an Arloedh yw mebyon, frut an brys yw y wober ev.

Salmow 128:3

Dha wreg a vydh kepar ha gwinbrenn leun a frut a-bervedh yn dha chi; ha'th fleghes kepar hag eginyow olewbrenn oll a-dro dhe'th voes.

Salmow 68:26

Bennigewgh Duw y'n kuntellesow, ha'n Arloedh, hwi fenten Ysrael.

Lavarow Koth 5:15

Yv dowr a dha dhowrargh dha honan, dowr ow resek mes a'th puth dha honan.

Lavarow Koth 5:17

Bedhens i ragos jy dha honan, a-der rag an re estren usi genes.

Lavarow Koth 5:18

Benniges re bo dha fenten, ha lowenha yn gwreg dha yowynkneth,

Lavarow Koth 9:17

‘Dowr re beu ledrys yw hweg, hag yma blas da dhe vara dybrys yn-dann gel.’

An Gan a Ganow 4:12

Lowarth yn-dann alhwedh yw ow hwoer, ow fries, lowarth alhwedhys, fenten selys.

An Gan a Ganow 4:15

Fenten yn lowarth, fenten a dhowrow bew, ha goverow ow resek yn-nans dhiworth Lebanon.

Ysay 48:21

Ny's tevo syghes pan y's hembronkas der an difeythyow, ev a wrug may resekka an dowr ragdha a'n garrek, ev a folsas an garrek, ha'n dowr a frosas yn-mes.

Dewteronomi 33:28

Ysrael a drig yn sawder; y honan oll yw fenten Yakob, yn tir a ys ha gwin nowydh, y nevow ynwedh a dhever gluth.

Breusysi 12:9

Ev a'n jevo deg mab warn ugens. Ev a ros y dheg myrgh warn ugens yn demmedhyans yn-mes a'y gordh hag a dros a-ji deg mowes yowynk warn ugens a'n tu a-ves rag y vebyon. Ev a vreusi Ysrael seyth blydhen.