Lavarow Koth 4:18 - An Bibel Kernewek 20234 (Kernewek Kemmyn)

¹⁸ Mes hyns an re wiryon yw haval dhe wolow dydh-tardh, hag a splann dhe splanna ha dhe splanna bys yn hanter-dydh.

Lavarow Koth 4:18 ပူးပေါင်းရင်းမြစ်များ

2 Samuel 23:4

ev a vydh avel golow an bora, pan sev an howl, yn myttin heb kommol, avel golewder wosa glaw a dhre gwels dhiworth an dor.

Job 11:17

Dha vewnans a vydh dergha ages howl an hanter-dydh; y dewlder a vydh kepar ha'n myttin.

Job 17:9

An den gwiryon a bes war y fordh, ha'n den glan y dhiwleuv yw krevhes moy ha moy.

Job 23:10

Mes ev a aswonn ow fordh vy; mara'm proffa, gylsen vy yn-mes kepar hag owr.

Salmow 84:7

Yth ons a nerth dhe nerth; pubonan a vydh gwelys a-rag Duw yn Sion.

Salmow 97:11

Golow a dardh rag an re wiryon, ha lowena rag an re ewnhynsek aga holonn.

Lavarow Koth 13:9

Golow an re wiryon a lowenha, mes lugarn an debeles a vydh difeudhys.

Lavarow Koth 15:24

Fordh bewnans a led yn-bann rag den doeth, dh'y witha rag mos dhe ifarn a-woeles.

Lavarow Koth 2:20

Rakhenna ty a gerdh yn fordh an dus vas, ha holya hynsyow tus wiryon.

Lavarow Koth 2:9

Ena ty a gonvedh gwiryonedh ha gwirvreus, hag ewnder – pub hyns da;

Ysay 26:7

Fordh an den gwiryon yw kompes; ty a wra leven hyns an den gwiryon.

Daniel 12:3

Ha'n re fur a wra splanna avel golowyjyon an fyrmament; ha'n re a dreyl lies dhe wiryonedh a vydh avel an ster bys vykken ha bynnari.

Hosea 6:3

Ytho re aswonnyn ni, re hwillyn dhe aswonn an Arloedh. Y dhevedhyans yw mar sur avel an bora; ev a dheu dhyn avel an glaw, avel an glaw diwedhes a dhowrha an tir.

Matthew 5:14

‘Hwi yw golow an bys. Ny yll bos kudhys sita a vo settys war venydh;

Matthew 5:16

Yndella re derlentro agas golow a-rag tus may hwellons agas oberow da ha gordhya agas Tas eus y'n nevow.

Matthew 5:45

may hallowgh hwi bos mebyon agas Tas eus y'n nevow, rag ev a wra dh'y howl drehevel keffrys war an re dhrog ha'n re dha, hag a dhannvon an glaw war an re ewnhynsek ha'n re gammhynsek.

Yowann 8:12

Ytho Yesu a gewsis dhedha arta, ow leverel, ‘My yw golow an bys; neb a'm hol, ny gerdh yn tewlder, mes ev a'n jevydh an golow a vewnans.’

2 Korinthianys 3:18

Mes, heb kudhlenn war agan fas, hag ow kweles golewder an Arloedh kepar hag yn gweder-mires, yth eson ni oll ow pos chanjys bys y'n keth imaj, dhiworth golewder dhe wolewder kepar ha dhiworth an Arloedh, an Spyrys.

Filippianys 2:15

may fewgh divlam ha heb drog, fleghes heb namm a Dhuw, yn mysk kenedhel gamm ha treus, ha hwi a splann yn aga mysk kepar ha golowys y'n bys,

2 Peder 1:19

Ha ni a'gan beus an ger profoesek moy sur. Hwi a wra yn ta ow kul vri anodho, kepar ha lugarn ow kolowi yn tyller tewl erna dartho an jydh hag erna dhrehaffo Borlowenn yn agas kolonnow.

2 Peder 3:18

Mes tevewgh yn gras ha godhvos agan Arloedh ha Selwyas Yesu Krist. Dhodho ev re bo gordhyans hag y'n eur ma, ha bys y'n jydh heb worfenn. Amen.

Diskwedhyans 21:23

Ha dhe'n sita nyns esa edhomm a'n howl nag a'n loer dhe splanna ynni, rag splannder Duw a's golowi, ha'n Oen yw hy lugarn.

Diskwedhyans 22:5

Ha ny vydh nos namoy; ha nyns eus edhomm a wolow lugarn po golow howl; drefenn an Arloedh Duw dhe wolowi warnedha: hag i a wra reynya trank heb worfenn.

Breusysi 5:31

‘Yndella re varwo oll dha eskerens, A Arloedh! Mes re bo oll dha gowetha avel an howl dell sev yn-bann yn y nerth.’ Ha'n tir a'n jevo kres dew-ugens blydhen.