Lavarow Koth 31:9 - An Bibel Kernewek 20234 (Kernewek Kemmyn)

⁹ Igor dha anow, breus yn ewn, ha pled ken an edhommek ha'n boghosek.

Lavarow Koth 31:9 ပူးပေါင်းရင်းမြစ်များ

2 Samuel 8:15

Davydh a reynyas war oll Ysrael; ha Davydh a wrug gwirvreus hag ewnder rag oll y bobel.

Job 29:12

drefenn my dhe sawya an boghosek esa ow kria rag gweres, ha'n omdhivas na'n jevo gwereser.

Salmow 82:3

Rewgh gwirvreus dhe'n den gwann ha dhe'n omdhivas; mentenewgh gwiryow an boghosek ha'n edhommek.

Lavarow Koth 16:12

Tra gasadow yw dhe vyghternedh gul drog, rag an tron yw fastys gans ewnder.

Lavarow Koth 20:8

Myghtern esedhys war y dron dhe vreusi a wynsell oll droktra gans y dhewlagas.

Lavarow Koth 29:7

An den gwiryon a aswonn gwiryow an voghosogyon; ny dheur mann dhe'n tebelwas an aswonnvos ma.

Ysay 1:17

dyskewgh gul da, hwilewgh gwirvreus, ewnewgh an arwasker, rewgh gwirvreus dhe'n omdhivas, defendyewgh an wedhwes.

Ysay 1:23

Dha bennsevigyon yw penn-kales, ha keskowetha ladron; pubonan anedha a gar falswober ha helghya rohow. Ny rons gwirvreus dhe'n omdhivas, ha ken an wedhwes ny dheu a-ragdha.

Ysay 11:4

mes ev a vreus an edhommogyon gans ewnder, hag ervira gans ewnder rag boghosogyon an norvys. Ev a wysk an norvys gans gwelenn y anow, ha gans spyrys y dhiwweus ev a ladh an tebelwas.

Yeremia 21:12

A ji Davydh; yndellma y lever an Arloedh: Gwra gwirvreus pub myttin, ha livra a-dhiworth dorn an arwasker an den a veu robbys, ma na ello ow honnar yn-mes avel tan, ha leski, ha ny vydh denvyth dh'y difeudhi, rag drogedh agas gwriansow.

Yeremia 22:3

Yndellma y lever an Arloedh: Gwrewgh gwirvreus hag ewnder, ha delivrewgh a-dhiworth dorn an arwasker an den a veu dalghennys. Ha na wrewgh kammhynseth na freudh dhe'n alyon, an omdhivas, na'n wedhwes, po skoellya goes gwiryon y'n tyller ma.

Yeremia 23:5

Otta, an dydhyow a dheu, yn-medh an Arloedh, pan dhrehavav dhe Davydh Skorrenn wiryon, ha myghtern a reyn ha sewena, hag a wra gwirvreus hag ewnder y'n tir.

Yeremia 5:28

Tevys tew yns, ha korfek. Nyns eus finweth dh'aga drog wriansow; ny vreusons gans gwirvreus ken an omdhivas, may sewenno; ha gwir an edhommogyon ny vreusons.

Daniel 4:27

Ytho, A vyghtern, re bo ow husul degemmeradow dhis; daspren dha beghosow gans gwiryonedh, ha'th anewnder dre dhiskwedhes tregeredh dhe'n voghosogyon, rag may fo dha sewenyans martesen hirhes.’

Levitikus 19:15

Ny wrewgh kammhynseth y'n vreus. Ny wre'ta favera an boghosek, na gul revrons dhe'n den galloesek, mes ty a vreus dha gentrevek gans ewnder.

Zekaria 7:9

Yndellma y lever Arloedh an luyow: Breusewgh gans gwirvreus; gwrewgh mersi ha piteth an eyl dh'y gila.

Zekaria 9:9

Lowenha yn feur, myrgh Sion! Garm, myrgh Yerusalem! Awotta dha vyghtern a dheu dhis, gwiryon ha trygh, uvel hag ow marghogeth war asen, war ebel mab asen.

Yowann 7:24

Na vreusewgh herwydh an semlans, mes breusewgh gans breus gwiryon.’

Dewteronomi 1:16

My a worhemmynnis agas breusysi y'n termyn na, ow leverel, ‘Klewewgh an kenyow ynter agas breder, ha breusewgh yn ewnder yntra gour ha'y vroder ha'n alyon trigys ganso.

Ebrowyon 1:9

Ty re garas ewnder ha kasa anlaghedh; yndella Duw, dha Dhuw, re'th untyas gans oyl lowender dres dha geskowetha.’

Diskwedhyans 19:11

Ha my a welas nev igerys, hag otta, margh gwynn hag ev neb o esedhys warnodho o henwys Len ha Gwir, hag yn ewnder ev a vreus ha gwerrya.

1 Samuel 19:4

Ha Yonathan a gewsis da a-dro dhe Davydh dhe Sowl y das, ha leverel dhodho, ‘Na wres an myghtern pegha erbynn y was Davydh, rag ny beghas er dha bynn, ha'y weythresow ragos re beu pur dha;

1 Samuel 20:32

Ha Yonathan a worthybis y das, ha leverel dhodho, ‘Prag y fydh ev gorrys dhe'n mernans? Pandr'a wrug ev?’