Lavarow Koth 31:28 - An Bibel Kernewek 20234 (Kernewek Kemmyn)

²⁸ Hy fleghes a sev hag a's henow gwynnvys, ha'y gour ynwedh, hag ev a's gormel:

Lavarow Koth 31:28 ပူးပေါင်းရင်းမြစ်များ

Jenesis 48:12

Ha Yosep a's kemmeras dhiworth y dhewlin hag omblegya, gans y fas dhe'n leur.

1 Myghternedh 2:19

Yth eth Bathsheba ytho dhe vyghtern Solomon, rag kewsel ganso a-barth Adoniya. Ha'n myghtern a sevis dh'y metya, hag a omblegyas orti; ena ev a esedhas war y dron, hag ordena kador dhe vos settys rag mamm an myghtern; ha hi a esedhas orth y leuv dhyghow.

Salmow 116:16

Yn hwir, A Arloedh, dha was ov vy, dha was ov vy, ha mab dha vaghteth. Ty re dorras ow holmennow.

Lavarow Koth 11:16

Benyn a ras a's teves enor, ha tus dhibita ny wayn marnas rychys.

Lavarow Koth 31:1

Lavarow myghtern Lemuel, dargan a dhyskas y vamm dhodho.

Lavarow Koth 31:27

Hi a with war negys hy theylu, ha ny dheber an bara a dhiekter.

Lavarow Koth 31:29

‘Lies benyn re wrug yn ta, mes ty re's tremenas oll.’

2 Timothi 1:5

ow perthi kov a'th fydh heb toell na gil a re beu kyns y'th vamm-wynn Lois hag y'th vamm Ewnike hag a drig ynnos jy, sur ov vy.