Lavarow Koth 30:8 - An Bibel Kernewek 20234 (Kernewek Kemmyn)

⁸ Gorr pell dhiworthiv falsuri ha gow, na ro dhymmo vy naneyl boghosogneth na rychys; mag vy gans an boes anodho ma'm beus edhomm,

Lavarow Koth 30:8 ပူးပေါင်းရင်းမြစ်များ

Jenesis 28:20

Ha Yakob a ambosas ambos, ow leverel, ‘Mar pydh Duw genev ha'm gwitha y'n fordh ma mayth esov ow mos, ha ri dhymm bara dhe dhybri ha dillas dhe wiska,

2 Myghternedh 25:30

Rag y ventons, alowans pub-dydhyek a veu res dhodho gans an myghtern hedre ve bew.

Job 23:12

Ny dhiberthis dhiworth gorhemmynnow y dhiwweus; my re dresoryas geryow y anow y'm askra.

Salmow 119:29

Kemmer dhiworthiv an fordh a falsuri, ha gront dhymm ras dha lagha.

Salmow 119:37

Treyl ow dewlagas dhe-ves, ma na wellons euveredh; bewha vy y'th fordh.

Eksodus 16:15

Pan y'n gwelas mebyon Ysrael, i a leveris an eyl dh'y gila, ‘Pyth yw?’ rag ny wodhyens an pyth o. Ha Moyses a leveris dhedha, ‘Yth yw an bara re ros an Arloedh dhywgh dh'y dhybri.

Eksodus 16:18

Mes pan y'n musursons gans omer, ev neb re guntellsa meur ny'n jevo travyth gesys, hag ev neb re guntellsa boghes ny fyllis dhodho; peub a guntellas herwydh an pyth a allas dybri.

Eksodus 16:29

Mirewgh, an Arloedh re ros dhywgh sabot, ytho y'n hweghves dydh ev a re dhywgh bara rag dew dhydh; gortes pubonan ahanowgh yn y le, na as denvyth dhe vones yn-mes a'n tyller y'n seythves dydh.’

Eksodus 16:35

Ha mebyon Ysrael a dhybris an manna dew-ugens blydhen, bys pan dheuthons dhe dir annedhys; i a dhybris an manna bys pan dheuthons dhe or pow Kanan.

Lavarow Koth 13:5

Den gwiryon a gas gow, mes tebelwas yw divlas, ha methus y fara.

Lavarow Koth 21:6

Neb a gyv tresoryow gans taves gowek yw anall hwythys a-dro, antell a ankow.

Lavarow Koth 22:8

Neb a has kammhynseth a vys terroes, ha gwelenn y sorr a fyll.

Lavarow Koth 23:5

Pan wel dha dhewlagas rychys, gyllys yw, rag distowgh ev a gemmer diwaskell dhodho y honan, ow nija avel er war-tu ha'n ebron.

Lavarow Koth 30:7

Dew dra a bysav dhiworthis; na's nagh dhymmo vy kyns my dhe verwel:

Ekklesiastes 1:2

Euveredh a euveredh, yn-medh an Pregowther, euveredh a euveredh, pup-tra yw euver.

Ysay 5:18

Go-i neb a denn anewnder dre lovonow euveredh, ha peghes avel dre lovonow kert,

Ysay 59:4

Denvyth ny elow rag ewnder; denvyth ny bled y gen gans onester. I a drest yn gwakter ha kewsel euveredh; i a gonsev anken ha dineythi droktra.

Yeremia 37:21

Ena Sedekia an myghtern a worhemmynnis may fe Yeremia gorrys yn klos an prison, ha torth-vara dhe vos res dhodho pub dydh a-dhiworth stret an beboryon, bys pan ve gyllys oll bara an sita. Ytho Yeremia a wortas yn klos an prison.

Yeremia 52:34

Rag y alowans, alowans pub-dydhyek a veu res dhodho gans myghtern Babylon hedre vo bew, bys yn dydh y vernans.

Matthew 6:11

Ro dhyn ni hedhyw agan bara pub-dydhyek;

Matthew 6:33

Mes kyns oll hwilewgh gwlaskor Duw ha'y ewnder, hag oll an taklow ma a vydh res dhywgh maga ta.

Luk 11:3

ro dhyn ni hedhyw agan bara pub-dydhyek;

Yowann 2:8

Hag yn-medh ev dhedha, ‘Tennewgh yn-mes lemmyn ha'y dhoen dhe rewler an kevewi.’ Hag i a'n dug.

Oberow 14:15

‘A wer, prag y hwrewgh hwi an taklow ma? Ni ynwedh yw gwer, a'n keth gnas avelowgh, ha ni a bregoth rag agas treylya dhiworth an taklow koeg ma dhe Dhuw bew, neb a wrug an nev ha'n nor ha'n mor ha pup-tra eus ynna.