Lavarow Koth 30:33 - An Bibel Kernewek 20234 (Kernewek Kemmyn)

³³ Rag par dell dreyloubir leth rag gul kowles, ha dell weskir an troen dhe wul goes, yndella movya sorr a wra strif.

Lavarow Koth 30:33 ပူးပေါင်းရင်းမြစ်များ

Lavarow Koth 29:22

Gour konneryek a dhifun strif, ha den skav dhe serri a wra lies kammweythres.

Lavarow Koth 28:25

An den kraf a dhifun strif, mes neb a drest y'n Arloedh a vydh golusegys.

Lavarow Koth 17:14

Dalleth strif yw avel gasa dowr dhe skapya, ytho gas an gedrynn kyns hi dhe dardha yn-mes.

Lavarow Koth 26:21

Avel glowbrenn dhe regydh, ha prenn dhe dan, yndella yw gour kavyllek dhe enowi strif.

Lavarow Koth 16:28

Gour treus a dewl strif a-les, ha hwedhler a wra dibarth yntra keskowetha.

Lavarow Koth 15:18

Gour konneryek a dhifun strif, mes neb yw lent ow serri a goselha kedrynna.

Jenesis 18:8

Hag ev a gemmeras kowles ha leth ha'n leugh re wrussa y bareusi, ha'y worra a-dheragdha, ha sevel rybdha yn-dann an wydhenn, hag i a dhybris.

Lavarow Koth 10:12

Kas a dhifun strif, mes kerensa a gudh pub kammweythres.

Lavarow Koth 31:1

Lavarow myghtern Lemuel, dargan a dhyskas y vamm dhodho.