Lavarow Koth 30:17 - An Bibel Kernewek 20234 (Kernewek Kemmyn)

¹⁷ An lagas hag a dhispres tas hag a skorn bos gostydh dhe vamm a vydh pigys yn-mes gans marghvrini an nans ha dybrys gans an eryon.

Lavarow Koth 30:17 ပူးပေါင်းရင်းမြစ်များ

2 Samuel 21:10

Ena Rispa myrgh Aya a gemmeras yskar ha'y lesa rygdhi hy honan war an garrek, dhiworth dalleth an drevas bys pan goedhas dowr war an korfow dhiworth an nevow; ha ny asas dhe bowes warnedha naneyl ydhyn an ayr dres dydh, na bestes gwyls dres nos.

Lavarow Koth 15:20

Mab fur a wra tas lowen, mes den foll a skorn y vamm.

Lavarow Koth 20:20

Neb a volleth y das po y vamm, y lugarn a vydh difeudhys yn tewlder down.

Lavarow Koth 23:22

Goslow orth dha das a'th tineythis, ha na dhispres dha vamm pan vo hi koth.

Lavarow Koth 30:11

Yma re hag a volleth aga thas ha na vennik aga mamm.

Lavarow Koth 30:18

Yma tri thra yw re varthys ragov, peswar na'm beus aga honvedhes:

Levitikus 20:9

Rag piwpynag a vollettho y das po y vamm a vydh gorrys dhe'n mernans yn sur. Ev re vollethis y das ha'y vamm. Y woes a vydh warnodho.

Malaki 1:6

Mab a enor y das, ha gwas y vester. Ytho mars ov vy tas, ple'ma ow enor? Mars ov vy mester, ple'ma ow revrons? yn-medh Arloedh an luyow dhywgh, an oferysi, a dhispres ow hanow. Mes hwi a lever, ‘Fatell wrussyn dispresya dha hanow?’

Dewteronomi 28:26

Dha gorf a vydh boes rag pub edhen a'n ebron ha rag bestes an gwel, ha ny vydh nagonan dh'aga chasya dhe-ves.

1 Samuel 17:44

Hag yn-medh an Filistyas dhe Davydh, ‘Deus dhymm, ha my a re dha gig dhe ydhyn an ayr ha dhe vestes an gwel.’