Lavarow Koth 30:14 - An Bibel Kernewek 20234 (Kernewek Kemmyn)

¹⁴ Yma re, mayth yw aga dyns kledhedhyow, hag avel kellylli yw aga diwen dhe dhybri an voghosogyon a-dhiwar an norvys, an edhommogyon dhiworth mab-den.

Lavarow Koth 30:14 ပူးပေါင်းရင်းမြစ်များ

Job 29:17

My a derri diwen an dhrogoberer, ha gul dhodho gasa y breydh dhe goedha dhiworth y dhyns.

Job 41:14

Piw a yll igeri darasow y fas? Euthyk yw y dhyns oll a-dro.

Salmow 12:5

‘Drefenn an voghosogyon dhe vos ravnys, drefenn kynvann an edhommogyon, lemmyn my a sev’, yn-medh an Arloedh; ‘my a'n gorr y'n sawder a yeun ev.’

Salmow 124:6

Benniges re bo an Arloedh, na'gan ros ni yn preydh dh'aga dyns.

Salmow 14:4

A ny gonvedh an dhrogoberoryon oll, hag i ow tybri ow fobel kepar dell dhebrons bara? Ny alwsons war Dhuw.

Salmow 3:7

Sav, A Arloedh; salw vy, ow Duw! Rag ty re weskis oll ow eskerens war an challa; ty re dorras dyns an debeles.

Salmow 52:2

Dha daves a breder terroes, yth yw avel altenn lymm, ow kul falsuri.

Salmow 57:4

Yma ow enev yn mysk lewyon; ha my a wrowedh yn mysk tus ow flammya gans sorr; aga dyns yw guwow ha sethow, ha'ga thaves yw kledha lymm.

Salmow 57:5

Bydh ughelhes, A Dhuw, a-ugh an nevow; bedhes dha wolewder dres oll an nor.

Salmow 58:6

Torr aga dyns yn aga ganow, A Dhuw; brew challa an lewyon yowynk, A Arloedh.

Lavarow Koth 12:18

Kows dibreder yw avel strokosow a gledha, mes taves tus fur a dhre yeghes.

Lavarow Koth 22:16

Neb a arwask an boghosek dhe ynkressya y rychys, ha neb a re dhe'n den rych, a dheu dhe esow.

Lavarow Koth 28:3

Gour boghosek hag a arwask an voghosogyon yw avel glaw tynn na as trevas.

Lavarow Koth 30:15

Yma gel ha dhedhi diw vyrgh, ‘Ro, ro’, i a gri. Yma tri thra na gyv lowr nevra; yma peswar tra na lever nevra, ‘Lowr’:

Ekklesiastes 4:1

Ytho my a dreylyas arta dhe weles oll an arwask yw gwrys yn-dann an howl. Hag otta, dagrow an dus arweskys: ny's teves konforter; denvyth ny's delirv dhiworth nerth aga arwaskoryon; ny's teves konforter.

Ysay 10:2

dhe dreylya dhe-ves an edhommogyon dhiworth aga gwiryow, ha dhe ladra gwirvreus dhiworth boghosogyon ow fobel, rag may fo gwedhwesow aga freydh, ha may pyllons omdhivasow.

Ysay 3:14

An Arloedh a dheu yn breus gans henavogyon ha pennsevigyon y bobel: Hwi yw neb re dhiswrug an winlann; yma preydh an boghosek yn agas chiow.

Ysay 3:15

Pyth yw dhywgh, hwi dhe vrewi ow fobel, ha melyas fasow an voghosogyon? yn-medh an Arloedh, Duw an luyow.

Ysay 32:7

Sherewynsi an sherewa yw drog; ev a dewl towlow dhe dhiswul an voghosogyon gans lavarow gowek, hwath pan vo klem an edhommek gwir.

Ezekiel 22:6

Otta ynnos re beu pennsevigyon Ysrael, pubonan herwydh y nerth ow skoellya goes.

Ezekiel 34:3

Hwi a dheber an blonek, hag omwiska y'n gwlan, ha ladha an re peskys, mes ny vugelsowgh an deves.

Amos 2:7

I a drett yn-dann dreys penn an voghosogyon yn doust dor; ha treylya a-denewen fordh an dus uvel; den ha'y das a y'n keth vowes rag may fo disakrys ow hanow sans.

Amos 4:1

Klewewgh an ger ma, hwi vughes Bashan neb usi war venydh Samaria, neb a wask an voghosogyon, owth arwaska an edhommogyon, neb a lever dh'aga gwer, ‘Doro, mayth yffyn!’

Amos 8:4

Klewewgh hemma, hwi neb a stank war an edhommek ha diswul boghosogyon an tir,

Habakkuk 3:14

Gans y shaftys y honan ty a wanas pennow y gasoryon; i a dheuth avel korwyns dh'agan skattra; I a lowenhas kepar hag ow lenki an den truan yn-dann gel.

Sefania 3:3

Hy fennsevigyon a-berth ynni yw lewyon owth usa; hy breusysi yw bleydhi an gorthugher; ny asons an eskern bys y'n vorow.

Matthew 23:13

‘Go-hwi, skribys ha Fariseow, falswesyon, rag hwi a dhege gwlaskor nev erbynn tus; rag nyns ewgh agas honan a-bervedh ynno na ny esowgh dhe vones a-bervedh an re a vynn entra.

Diskwedhyans 9:8

Hag yth esa gols dhedha kepar ha gols benyn, ha dyns kepar ha dyns lew.