Lavarow Koth 30:10 - An Bibel Kernewek 20234 (Kernewek Kemmyn)

¹⁰ Na sklander gwas dh'y vester, poken an gwas a'th volleth ha ty a vydh synsys kablus.

Lavarow Koth 30:10 ပူးပေါင်းရင်းမြစ်များ

Jenesis 8:21

Ha'n Arloedh a vlasas an sawer plegadow, ha'n Arloedh a leveris yn y golonn, ‘Ny wrav vy mollethi an dor namoy drefenn mab-den; rag drog yw bodh kolonn mab-den a-dhia y yowynkneth. Ny wrav namoy gweskel pub tra vew, dell wrug vy.

Lavarow Koth 11:26

Tus a volleth neb a syns greun dhodho y honan, mes yma bennath war benn neb a's gwerth.

Lavarow Koth 28:27

Neb a re dhe'n voghosogyon, ny'n jevydh edhomm, mes neb a gudh y dhewlagas a'n jevydh mollothow pals.

Ekklesiastes 7:21

Ynwedh na ro dha golonn dhe bup-tra a lever tus, ma na glewvi dha was orth dha villiga.

Daniel 6:13

Ena i a worthybis ow leverel dhe'n myghtern, ‘Daniel, neb yw onan an dhivresow a Yuda, ny wra vri orthis, A vyghtern, nag orth an difenn sinys genes, mes ev a wra y bysadow teyrgweyth pub dydh.’

Daniel 6:24

Ha'n myghtern a erghis, ha'n wesyon na re guhudhsa Daniel a veu kyrghys ha tewlys yn fow an lewyon – i, aga mebyon, ha'ga gwragedh; ha kyns i dhe dhrehedhes dhe woeles an fow, an lewyon a's fethas ha terri oll aga eskern dhe demmyn.

Romanyon 14:4

Piw os jy hag a vreus servont den arall? A-rag y vester y honan y sev po y koedh. Ha skoedhys vydh, rag Duw a yll gul dhodho sevel.

Dewteronomi 15:9

Kemmer with na vo drokpreder y'th kolonn, ow leverel, ‘An seythves blydhen re dheuth nes, blydhen an gevyans’, ha rakhenna dha lagas a vydh drog erbynn dha vroder boghosek, ha ny redh dhodho; hag ev a elow er dha bynn war an Arloedh, hag y fydh peghes ynnos.

Dewteronomi 23:15

Na dhelirv keth dh'y vester, neb a dhienkas dhis dhiworth y vester.

1 Samuel 24:9

Yn-medh Davydh dhe Sowl, ‘Prag y hwoslowydh orth geryow an re a lever, “Otta Davydh a hwila gul drog dhis?”

1 Samuel 26:19

Lemmyn ytho, my a'th pys, klewes ow arloedh an myghtern geryow y was. Mars yw an Arloedh neb re ynnias warnas er ow fynn, re vlasso offrynn; mes mars yw mebyon den, bedhens milliges dherag an Arloedh, rag i re'm chasyas yn-mes y'n jydh hedhyw ma na gaffen ow rann yn eretons an Arloedh, ow leverel, “Ke, serv duwow erell.”

1 Samuel 30:15

Yn-medh Davydh dhodho, ‘A vynnydh ow hemmeres yn-nans dhe'n bagas ma?’ Ev a worthybis, ‘To dhymm re Dhuw, na wre'ta ow ladha, na'm delivra a-berth yn leuv ow mester, ha my a wra dha dhri yn-nans dhe'n bagas ma.’