Lavarow Koth 3:9 - An Bibel Kernewek 20234 (Kernewek Kemmyn)

⁹ Enor an Arloedh gans oll dha substans, ha gans kynsa froeth a'th trevas;

Lavarow Koth 3:9 ပူးပေါင်းရင်းမြစ်များ

Jenesis 28:22

ha'n men ma a wrugavy y settya yn-bann avel peulven a vydh chi Duw; hag a bup-tra a redh dhymm, my a re dhis an dega.’

2 Kroniklys 31:10

Azaria an arghoferyas, o a ji Sadok, a worthybis dhodho, ‘A-ban dhallathsons dri rohow yn chi an Arloedh, ni re'gan bo lowr dhe dhybri ha'n remenant yw lowr, rag an Arloedh re vennigas y bobel, ha'n kals bras ma yw an remenant.’

2 Kroniklys 31:21

Pub ober a omgemmeras ev yn servis chi Duw, ha herwydh an lagha ha'n gorhemmynn, ow hwilas y Dhuw, ev a'n gwrug gans kolonn leun, hag ev a sewenis.

Salmow 144:13

Re bo agan skiberyow leun, ow ri boes a bub eghenn; ha re dhineyttho agan deves milyow ha degow a vilyow yn agan gwelyow.

Eksodus 22:29

Ny wredh strechya offrynna dhiworth leunder dha drevas na a sugen dha winwaskow. Kynsa-genys dha vebyon ty a re dhymm.

Eksodus 23:16

Ty a wra gwitha goel an drevas, a gynsa frut a'th wonis, a'n pyth a hesydh y'n gwel. Ty a wra gwitha goel an kuntell yn diwedh an vlydhen, pan guntellowgh frut dha lavur a'n gwel.

Eksodus 23:19

An kynsa a gynsa frut dha dhor ty a wra dri a-ji dhe ji an Arloedh. Ny wredh bryjyon mynn yn leth y vamm.

Eksodus 34:26

Kynsa frut dha dhor ty a wra dri dhe ji an Arloedh dha Dhuw. Ny wrewgh hwi bryjyon mynn yn leth y vamm.

Lavarow Koth 11:25

Den hel a dhegemmer blonek, ha neb a dhowrha a vydh dowrhes.

Lavarow Koth 14:31

Neb a arwask den boghosek a arvedh y Wrier, mes neb yw kuv dhe'n voghosogyon a'n enor.

Ysay 43:23

Ny dhuges dhymm dha dheves rag offrynn leskys, na'm enora gans dha sakrifisow. Ny'th veghis gans offrynnow, na'th skwitha gans frankynkys.

Levitikus 19:25

Ha'n pympes blydhen hwi a dheber an frut anodho, may rollo dhywgh an drevas ynkressys anodho. An Arloedh agas Duw ov vy.

Niverow 15:20

Hwi a dhrehav an frut a'gas toes, tesenn rond, avel offrynn drehevys; kepar hag offrynn drehevys a'n leur-drushya, yndella hwi a's drehav.

Matthew 25:17

Yn kettella y hwrug gwas an dhew dalent prow a dhew moy.

1 Korinthianys 16:2

Dhe gynsa dydh pub seythun, pub huni ahanowgh gorres neppyth a-denewen ha'y witha, dell sewenno, ma na vo edhomm a guntell pan dhyffiv.

Dewteronomi 14:29

ha'n Levyas (na'n jeves kevrenn nag eretons genes), ha'n alyon, ha'n omdhivas, ha'n wedhwes usi y'th yetys a yll dos ha dybri ha bos lenwys, rag ma'th vennikko an Arloedh dha Dhuw yn pub lavur a'th leuv a wredh.