Lavarow Koth 3:7 - An Bibel Kernewek 20234 (Kernewek Kemmyn)

⁷ Na vydh fur y'th tewlagas dha honan; porth own a'n Arloedh, ha treyl dhiworth drog.

Lavarow Koth 3:7 ပူးပေါင်းရင်းမြစ်များ

2 Samuel 12:20

Ena Davydh a sevis a'n dor, hag omwolghi, hag ura y honan, ha chanjya y dhillas. Ev eth a-ji dhe ji an Arloedh, ha gordhya; ena ev eth dh'y ji y honan; ha pan wovynnas, i a settyas boes dheragdho hag ev a dhybris.

Nehemia 5:15

Mes an governours kyns, re bia kyns ow thermyn vy, a settsa beghyow poes war an bobel ha kemmeres dhiworta dew-ugens shekel a arghans war-barth gans boes ha gwin. Aga servysi ynwedh a lordya war an bobel. Mes ny wrug vy yndella rag own Duw.

Job 1:1

Yth esa gour yn bro Us, Job y hanow, ha perfydh hag ewnhynsek o an gour na, hag yth esa dhodho own a Dhuw hag ev a dreylyas dhiworth drog.

Job 28:28

Hag ev a leveris dhe vab-den, “Otta, own an Arloedh – furneth yw henna; ha skonya drog yw konvedhes.” ’

Eksodus 20:20

Ha Moyses a leveris dhe'n bobel, ‘Na berthewgh own; rag Duw yw devedhys dh'agas previ, ha may fo an own anodho a-rag agas dewlagas, ha ma na begghowgh.’

Lavarow Koth 14:16

Den fur yw war hag a dreyl dhiworth droktra, mes an den foll a sorr heb fronn hag yth yw dibreder.

Lavarow Koth 14:27

Own an Arloedh yw fenten a vewnans, rag may haller avoydya maglennow ankow.

Lavarow Koth 16:6

Dre dregeredh ha lenduri yw kammweyth dasprenys, ha der own an Arloedh den a omwith rag drog.

Lavarow Koth 23:4

Na lavur re rag mayth ylli ha bos rych, bydh fur, ha hedh.

Lavarow Koth 26:12

A welydh gour neb yw fur yn y dhewlagas y honan? Yma moy govenek rag foll ages dell eus ragdho.

Lavarow Koth 26:5

Gorthyp dhe foll herwydh y follneth, po ev a fydh fur yn y dewlagas y honan.

Lavarow Koth 28:11

An gour rych yw fur yn y dhewlagas y honan, mes an den boghosek ha poellek a yll y dhiskudha.

Lavarow Koth 28:26

Neb a drest yn y golonn y honan yw foll, mes neb a gerdh yn furneth a vydh saw.

Lavarow Koth 8:13

Own an Arloedh yw kasa; goeth ha balghder ha'n fordh a dhroktra ha kows treus a gasav.

Ekklesiastes 12:13

Diwedh an mater, wosa klewes pup-tra, yw hemma: Porth own a Dhuw, ha gwith y worhemmynnow, drefenn bos hemma dever pub den oll.

Ysay 5:21

Go-i neb yw skentel yn aga dewlagas aga honan, ha konnyk yn aga golok aga honan.

Romanyon 11:25

Rag ny vynnav hwi dhe vos heb godhvos, a vreder, a'n kevrin ma, ma na vewgh ynnowgh hwi agas honan fur: kalesenn dhe vos devedhys yn rann war Ysrael, bys pan dheffo a-ji an myns kowal a'n kenedhlow,

Romanyon 12:16

bedhewgh yn akord an eyl gans y gila; heb gul vri a'n taklow ughel, mes dhe'n re uvel ow plegya; na vedhewgh goethus.