Lavarow Koth 3:6 - An Bibel Kernewek 20234 (Kernewek Kemmyn)

⁶ Yn oll dha fordhow gwra y aswonn, hag ev a wra dhe'th hynsyow bos kompes.

Lavarow Koth 3:6 ပူးပေါင်းရင်းမြစ်များ

1 Kroniklys 28:9

‘Ha ty, Solomon ow mab, aswonn Duw dha das, ha'y servya a leun golonn ha gans brys bolonjedhek; rag an Arloedh a hwither oll kolonnow, hag ev a gonvedh pub towl ha pub preder. Mara'n hwilydh, ev a vydh kevys genes; mes mara'n eskasydh, ev a'th tenagh bys vykken.

Ezra 7:27

Benniges re bo an Arloedh, Duw agan tasow, re worras mater a'n par ma yn kolonn an myghtern, rag ri enor dhe ji an Arloedh usi yn Yerusalem,

Nehemia 1:11

A Arloedh, my a'th pys, bedhes dha skovarn hewoel dhe bysadow dha was, ha dhe bysadow dha wesyon neb yw hwansek dhe berthi own a'th hanow. Ro sewena, my a'th pys, dhe'th was an jydh ma, ha gront dhodho truedh yn golok an gour ma!’ Yth en vy hanafor an myghtern.

Nehemia 2:4

An myghtern a leveris dhymm, ‘Pandr'a wovynnydh orthiv?’ Ytho my a bysis dhe Dhuw an nevow.

Nehemia 7:5

Ow Duw a worras y'm kolonn dhe guntell war-barth an ugheloryon ha'n soedhogyon ha'n bobel, may fens reknys herwydh aghskrif. Ha my a gavas kovlyver aghskrif a'n re neb a dheuth yn-bann kynsa, ha my a gavas skrifys ynno:

Salmow 32:8

My a'th kevarwoedh, ha dyski dhis an fordh mayth yw res dhis mos; ha gans ow lagas warnas my a'th kusul.

Lavarow Koth 11:5

Ewnder an re heb blam a wra aga fordh dhe vos kompes, mes an tebelwas a goedh der y dhroktra y honan.

Lavarow Koth 16:3

Kommytt dha ober dhe'n Arloedh, ha'th towlow a vydh fastys.

Lavarow Koth 16:9

Brys den a dewl towl y fordhow, mes an Arloedh a gevarwoedh kammow y dhewdroes.

Lavarow Koth 23:17

Na as dha golonn dhe berthi avi a beghadoryon, mes bes yn own an Arloedh oll an jydh.

Ysay 26:7

Fordh an den gwiryon yw kompes; ty a wra leven hyns an den gwiryon.

Ysay 30:21

Dha dhiwskovarn a glew ger a-dryv dhis, ow leverel, ‘Hemm yw an fordh, kerdhewgh ynni’, pan dreylyowgh dhe'n dyghow, po pan dreylyowgh dhe'n kledh.

Ysay 45:13

My a wrug dhodho difuna yn ewnder, ha my a wra oll y fordhow kompes. Ev a dhrehav ow sita, ha delivra ow divresow, a-der a wober nag a bewas, yn-medh Arloedh an luyow.

Ysay 48:17

Yndellma y lever an Arloedh, dha Dhasprenyas, an Sans a Ysrael: My yw an Arloedh dha Dhuw, a'th tysk rag dha les dha honan, ha'th hembronk y'n fordh may tegoedh dhis mones ynni.

Yeremia 10:23

A Arloedh, my a woer nag yw fordh den yn-dann y rewl y honan: ny yll gour marwel, dell gerdh, gidya y gammow.

Yeremia 42:3

may hwrello an Arloedh dha Dhuw diskwedhes dhyn an fordh may kerdhyn ynni ha'n pyth a wren.’

Niverow 9:20

Treweythyow yth esa an gommolenn niver a dhydhyow a-ugh an tabernakel, ha war-lergh gorhemmynna an Arloedh yth esens trigys y'n kamp; ena war-lergh gorhemmynna an Arloedh yth ens yn-kerdh.

1 Korinthianys 10:31

Ytho, po dybri po eva a wrewgh, po pypynag a wrewgh, pup-tra dhe wordhyans Duw gwrewgh.

2 Korinthianys 8:16

Lemmyn grasow re bo dhe Dhuw, neb re worras yn kolonn Titus an keth frethter a-barth dhywgh hwi,

Filippianys 4:6

Na vedhewgh prederus a dravyth mes yn pup-tra, dre bysadow ha govynnadow gans grasyans, bedhes an taklow a wovynnsowgh godhvedhys dhe Dhuw.

Kolossianys 3:17

Ha pup-tra oll a wrewgh yn ger po yn gwrians, gwrewgh pup-tra yn hanow an Arloedh Yesu, ow krassa dhe Dhuw an Tas dredho ev.

Kolossianys 3:23

Pypynag a wrewgh, gwrewgh y oberi a'n enev, kepar dell ve dhe'n Arloedh, a-der dhe vab-den,

Jamys 1:5

Mes mar fyll furneth dhe nebonan ahanowgh, govynnes ev orth Duw a re dhe bub den yn hel, heb keredhi, hag y fydh res dhodho.

1 Samuel 30:8

Ha Davydh a wovynnas orth an Arloedh, ha leverel, ‘A wrav vy helghya an bagas ma? A wrav vy aga hachya?’ Ev a worthybis dhodho, ‘Helgh, rag ty a wra yn sur aga hachya ha heb falladow sawya an brisnoryon.’