Lavarow Koth 29:25 - An Bibel Kernewek 20234 (Kernewek Kemmyn)

²⁵ Own den a sett antell, mes neb a drest y'n Arloedh yw saw.

Lavarow Koth 29:25 ပူးပေါင်းရင်းမြစ်များ

Jenesis 20:11

Hag yn-medh Abraham, ‘Rag my a brederis, Yn sur, nyns eus own Duw y'n tyller ma, hag i a'm ladh drefenn ow gwreg.

Jenesis 20:2

Yn-medh Abraham a-dro dhe Sara y wreg, ‘Ow hwoer yw hi’, hag Abimelek myghtern Gerar, a dhannvonas dhe gemmeres Sara.

Jenesis 26:7

Pan wrug gwer an tyller govynn orto a-dro dh'y wreg, ev a leveris, ‘Ow hwoer yw hi’, rag ev a berthi own a leverel, ‘Ow gwreg yw hi’, rag ev a brederis, ‘Gwer an tyller a wra ow ladha, drefenn Rebeka; rag teg yw hy semlans.’

1 Myghternedh 19:3

Ena ev a borthas own; ev a sevis ha fia a-barth y vewnans, ha dos dhe Beer-sheba yn Yuda, hag ev a asas y was ena.

1 Kroniklys 5:20

I a dhegemmeras gweres er aga fynn, rag i a grias dhe Dhuw y'n vatel, ha'n Hagrysi hag oll esa gansa a veu res yn aga leuv, hag ev a wrontyas aga fysadow drefenn i dhe drestya ynno.

Salmow 118:8

Gwell yw hwilas skovva y'n Arloedh ages gorra fydhyans yn mab-den.

Salmow 119:117

Skoedh vy, may fiv saw, ha prest y lowenhav y'th ordenansow.

Salmow 125:1

An re a fydh y'n Arloedh yw avel menydh Sion, na yll bos disevys, mes ev a dhur bys vykken.

Salmow 69:29

Ha my, truan ov vy ha poenvosek; re'm drehaffo dha selwyans, A Dhuw.

Salmow 91:1

Seul a drig yn skovva an Ughella a bowes yn-dann woskes an Ollgalloesek.

Salmow 91:14

Drefenn ev dhe worra y gerensa warnav, rakhenna my a'n delirv; my a'n drehav, rag ev dhe aswonn ow hanow.

Lavarow Koth 16:20

Neb yw doeth yn y negys a sewen, ha gwynn y vys neb a drest y'n Arloedh.

Lavarow Koth 18:10

Hanow an Arloedh yw tour krev, an den gwiryon a boen a-bervedh ynno hag yw saw.

Lavarow Koth 28:25

An den kraf a dhifun strif, mes neb a drest y'n Arloedh a vydh golusegys.

Lavarow Koth 30:5

Pub ger a Dhuw yw purhes, skoes ywa dhe'n re a hwila skovva ynno.

Ekklesiastes 7:18

Da yw ty dhe settya dalghenn y'n eyl gwarnyans, ha na wra gasa dha dhalghenn yn y gila; rag neb a berth own a Dhuw a dhienk dhiworth oll an taklow ma.

Ysay 57:11

Piw re berthsys own ha dout anodho, may leversys gow, ha na berthsys kov ahanav na worra hemma y'th kolonn? A nyns yw rag my dhe dewi a hirneth, ytho ny berthydh own ahanav?

Daniel 3:28

[95] Ena Nebukadnessar a gewsis ow leverel, ‘Benniges re bo Duw Shadrak, Meshak hag Abednego, neb re dhannvonas y el, ha delivra y wesyon neb a drestya ynno, ha treylya ger an myghtern, ha ri aga horf rag na wrellons gologhas dhe dhuw vyth marnas dh'aga Duw i.

Daniel 6:23

Ena yth o an myghtern lowen dres eghenn ragdho, hag ev a worhemmynnis may fe Daniel tennys dhiworth an fow. Ytho Daniel a veu tennys dhiworth an fow, ha ny veu kevys pystik vyth warnodho, rag ev dhe drestya yn y Dhuw.

Matthew 10:28

Ha na berthewgh own a'n re a ladh an korf, mes na yll ladha an enev; mes kyns oll perthewgh own a neb a yll diswul ha'n enev ha'n korf yn ifarn.

Matthew 15:12

Ena an dhyskyblon a dheuth ha leverel dhodho, ‘A wodhesta bos an Fariseow sklandrys ow klewes an lavar na?’

Luk 12:4

‘My a lever dhywgh, ow howetha, na berthewgh own a'n re a ladh an korf ha wosa henna ny yllons gul travyth moy.

Yowann 3:2

ev a dheuth dhodho yn nos ha leverel dhodho, ‘Rabbi, ni a woer ty dhe vos dyskador devedhys dhiworth Duw; rag ny yll denvyth gul an toknys ma a wredh tejy marnas Duw a vo ganso.’

Yowann 9:22

Y gerens a leveris hemma rag bos own dhedha a'n Yedhewon; rag an Yedhewon a wrussa ervira war-barth seulabrys, piwpynag a gonfessa ev dhe vos Krist dhe vos emskemunys a'n synaga.

Dewteronomi 1:17

Na blegyewgh dhe fas neb den yn breus, mes klewewgh kekeffrys byghan ha bras. Na berthewgh own a vejeth denvyth, drefenn an vreus dhe vos dhe Dhuw. An ken hag yw re gales dhywgh, drewgh e dhymm ha my a'n klew.’

1 Peder 1:21

neb a grys dredho yn Duw a wrug y dhrehevel dhiworth an re varow ha ri splannder dhodho, mayth usi agas fydh ha'gas govenek yn Duw.

Breusysi 16:11

Ev a leveris dhedhi, ‘Mara'm kelmons gans lovonow nowydh na veu usys bythkweth, ena yth av ha bos gwann, haval dhe bub den arall.’

1 Samuel 15:24

Ha Sowl a leveris dhe Samuel, ‘My re beghas; my a gammdremenas erbynn gorhemmynn an Arloedh ha'th eryow, drefenn my dhe berthi own a'n bobel hag obaya aga lev.

1 Samuel 21:13

Ytho ev a janjyas y fara a-dheragdha, hag ev a omwre muskok pan esa yn aga lok. Ev a gravas merkyow war dharasow an yet, ha gasa y drew dhe goedha war y varv.

1 Samuel 27:1

Davydh a brederis yn y golonn, ‘Lemmyn, my a verow unn jydh dre leuv Sowl; nyns eus travyth gwell ragov marnas diank hware dhe bow an Filistysi; ena Sowl a hedh dhe'm hwilas pella a-ji dhe oryon Ysrael, ha my a dhienk mes a'y leuv.’

1 Samuel 27:11

Ha ny asa Davydh yn few naneyl gour na benyn, dhe dri ger dhe Gath, ow leverel, ‘Ma na dheriffons a-dro dhyn, ha leverel, “Davydh re wrug yndella.” ’ Hemm o y vaner dres oll an termyn mayth esa ev trigys yn pow an Filistysi.