Lavarow Koth 29:24 - An Bibel Kernewek 20234 (Kernewek Kemmyn)

²⁴ Keskal lader a gas y vewnans y honan, ev a glew an molleth mes ny dhiskwa ev travyth.

Lavarow Koth 29:24 ပူးပေါင်းရင်းမြစ်များ

Lavarow Koth 15:32

Neb a skorn dyskybleth a omdhispres, mes neb a woslow orth keredh a gyv konvedhes

Lavarow Koth 20:2

Konnar euthyk myghtern yw avel lew owth usa, neb a'n serr a gyll y vewnans.

Lavarow Koth 6:32

Neb a wra avoutri gans benyn yw diboell; neb a'n gwra a omdhistru.

Lavarow Koth 8:36

Mes neb a fyll ow havoes a shynd y enev y honan, kemmys a'm kas a gar ankow.’

Ysay 1:23

Dha bennsevigyon yw penn-kales, ha keskowetha ladron; pubonan anedha a gar falswober ha helghya rohow. Ny rons gwirvreus dhe'n omdhivas, ha ken an wedhwes ny dheu a-ragdha.

Levitikus 5:1

Mar pegh den, ow klewes molleth poblek, hag ev dustunier neb a welas an mater po a glewas anodho, mar ny gews anodho, ev a dheg an blam a'y gammweyth.

Mark 11:17

Hag yth esa ev ow tyski, hag ow leverel dhedha, ‘A nyns yw skrifys, “Ow chi a vydh gelwys chi pysadow rag oll an kenedhlow”? Mes hwi re'n gwrug fow ladron.’

Breusysi 17:2

Ev a leveris dh'y vamm, ‘An unnek kans bath a arghans a veu kemmerys dhiworthis anedha may kewsys molleth hag yn surredi ty a'n kewsys y'm klewans – yma an arghans genev; my a'n kemmeras, mes lemmyn y'n daskorrav dhis.’ Ha'y vamm a leveris, ‘Re bo ow mab bennigys gans an Arloedh.’

1 Samuel 20:2

Yn-medh ev dhodho, ‘Bynner re bo! Ny verwydh. Ny wra ow thas travyth na bras na byghan saw ev dh'y dhiskwedhes dhymm; ha prag y koedh dhe'm tas kudha an dra ma ahanav? Nyns yw yndella.’