Lavarow Koth 29:14 - An Bibel Kernewek 20234 (Kernewek Kemmyn)

¹⁴ Mar kwra myghtern breusi an voghosogyon gans gwirder, y dron a vydh fastys bys vykken.

Lavarow Koth 29:14 ပူးပေါင်းရင်းမြစ်များ

Salmow 89:2

Rag my re leveris, bos tregeredh drehevys bynitha; dha lelder a fastydh y'n nevow.

Lavarow Koth 16:12

Tra gasadow yw dhe vyghternedh gul drog, rag an tron yw fastys gans ewnder.

Lavarow Koth 20:28

Tregeredh ha gwirder a with an myghtern, ha'y dron yw mentenys gans tregeredh.

Lavarow Koth 25:5

Yndella kemmer an debeles dhiworth lok an myghtern, ha'y dron a vydh fondys yn ewnhynseth.

Lavarow Koth 28:16

Rewler heb konvedhes a gyv dre nerth, mes neb a gas gwayn anewn a'n jevydh bewnans hir.

Lavarow Koth 29:4

Dre wirvreus myghtern a re faster dhe'n vro, mes neb a wra gorholedhow poes a's distru.

Ysay 1:17

dyskewgh gul da, hwilewgh gwirvreus, ewnewgh an arwasker, rewgh gwirvreus dhe'n omdhivas, defendyewgh an wedhwes.

Ysay 11:4

mes ev a vreus an edhommogyon gans ewnder, hag ervira gans ewnder rag boghosogyon an norvys. Ev a wysk an norvys gans gwelenn y anow, ha gans spyrys y dhiwweus ev a ladh an tebelwas.

Yeremia 22:16

Ev a varnas ken an boghosek ha'n edhommek; hag ena yth o da ganso. A nyns yw hemma ow aswonn? yn-medh an Arloedh.

Yeremia 5:28

Tevys tew yns, ha korfek. Nyns eus finweth dh'aga drog wriansow; ny vreusons gans gwirvreus ken an omdhivas, may sewenno; ha gwir an edhommogyon ny vreusons.

Daniel 4:27

Ytho, A vyghtern, re bo ow husul degemmeradow dhis; daspren dha beghosow gans gwiryonedh, ha'th anewnder dre dhiskwedhes tregeredh dhe'n voghosogyon, rag may fo dha sewenyans martesen hirhes.’