Lavarow Koth 29:10 - An Bibel Kernewek 20234 (Kernewek Kemmyn)

¹⁰ Gwer woesek a gas an den divlam, hag i a hwila bewnans an re ewnhynsek.

Lavarow Koth 29:10 ပူးပေါင်းရင်းမြစ်များ

1 Myghternedh 21:20

Ahab a leveris dhe Elias, ‘A'm kevsys, ow eskar?’ Ev a worthybis, ‘My re'th kavas. Drefenn ty dhe wertha dha honan dhe wul an pyth yw drog yn golok an Arloedh,

1 Myghternedh 22:8

Myghtern Ysrael a leveris dhe Yehoshafat, ‘Yma hwath ken onan may kovynnyn a'n Arloedh dredho, Mikaya mab Ymla; mes my a'n kas, rag ny dhargan dader dhymm, marnas drog.’ Yehoshafat a leveris, ‘Na leveres an myghtern tra a'n par na.’

2 Kroniklys 18:7

Myghtern Ysrael a leveris dhe Yehoshafat, ‘Yma hwath nebonan arall ganso may hyllyn govynn a'n Arloedh, Mikaya mab Imla, mes my a'n kas, rag nevra ny brofoes da yn ow hever, mes anfeusi heb ken.’ Yehoshafat a leveris, ‘Na leveres an myghtern tra a'n par na.’

Salmow 59:2

Gwra ow delivra dhiworth an dhrogoberoryon; ha gwra ow sawya a'n dus woesek.

Lavarow Koth 13:19

Hwans kowlwrys yw hweg dhe'n enev, mes treylya dhiworth drog yw tra gasadow dhe'n re foll.

Lavarow Koth 29:27

Gour anewn yw tra gasadow dhe'n re wiryon, mes an re ewnhynsek yw tra gasadow dhe'n tebelwas.

Lavarow Koth 29:9

Mara'n jeves gour fur ken gans gour foll, yma predheges ha skorn, ha nyns eus kalmynsi.

Yeremia 18:20

A vydh drogedh attylys rag da? Rag i re balasas pytt rag ow enev. Porth kov my dhe sevel a-ragos dhe gewsel da ragdha, dhe dreylya dha sorr a-dhiworta.

Yeremia 38:13

Ena i a dennas Yeremia yn-bann gans an lovonow, ha'y gemmeres yn-bann yn-mes a'n dhorvagh. Ha Yeremia a wortas yn klos an prison.

Yeremia 38:7

Hag Ebed-melek, an Ethiopek, onan an spadhesigyon yn chi an myghtern, a glewas i dhe worra Yeremia y'n dhorvagh. Yth esa an myghtern owth esedha yn Yet Benyamin,

Luk 23:34

Ha Yesu a leveris, ‘A Das, gav dhedha, rag ny wodhons pandr'a wrons.’ Hag i a rannas y dhillas ow tewlel prenn.

Yowann 5:34

Mes ny dhegemmerav an dustuni dhiworth den, mes my a lever hemma rag may fowgh hwi selwys.

Oberow 7:60

hag ow mos war benn-dewlin ev a grias, ughel y lev, ‘Arloedh, na syns an pegh ma er aga fynn.’ Pan lavarsa hemma, ev a goedhas yn kosk.

Romanyon 10:1

A vreder, yeunes ow holonn ha'm pysadow dhe Dhuw yw rag selwyans dhedha.

1 Samuel 15:11

‘Edrek a'm beus my dhe settya yn-bann Sowl dhe vos myghtern, rag ev re dreylyas dhe-ves dhiworthiv, ha ny gollenwis ow gorhemmynnow.’ Samuel o serrys; hag ev a grias war an Arloedh dres nos.