Lavarow Koth 28:8 - An Bibel Kernewek 20234 (Kernewek Kemmyn)

⁸ Neb a voghha y rychys der oker ha moghheans a'n kuntell a-barth den arall a vydh hegar dhe'n voghosogyon.

Lavarow Koth 28:8 ပူးပေါင်းရင်းမြစ်များ

2 Samuel 12:6

res yw ev dhe dhaskorra an oenes pedergweyth, drefenn ev dhe wul hemma, ha drefenn nag esa dhodho truedh vyth.’

Salmow 72:13

Ev a gemmer truedh a'n den gwann ha'n den edhommek, hag ev a selow enevow an edhommogyon.

Eksodus 22:25

Mar prestydh arghans dhe nebonan a'm pobel genes neb yw boghosek, ny vydhydh dhodho avel kresysor, ha ny wovynnydh oker anodho.

Lavarow Koth 13:22

Den da a as eretons dhe vebyon y vebyon, mes pyth an peghador yw gwithys rag an den gwiryon.

Lavarow Koth 14:21

Neb a dhispres y gentrevek yw peghador, mes gwynn y vys neb yw kuv orth an voghosogyon.

Lavarow Koth 14:31

Neb a arwask den boghosek a arvedh y Wrier, mes neb yw kuv dhe'n voghosogyon a'n enor.

Lavarow Koth 19:7

Oll breder an boghosek a'n kas: kemmys moy yth a y gowetha dhiworto. Ev a's helgh gans geryow mes nyns esons i ena.

Ekklesiastes 2:26

Rag dhe neb yw plegadow dhodho, Duw a re furneth ha godhvos ha plesour, mes dhe'n peghador ev a re an oberenn a guntell ha bernya rychys hag ena dhe ri an keth henna dhe biwpynag a vo plegadow dhe Dhuw. Hemma ynwedh yw euveredh ha chasya war-lergh an gwyns.

Ezekiel 18:13

neb a re rag oker ha kemmeres goroker: a wra ev bewa? Ny vew; ev re wrug oll an taklow kasadow ma; ev a vydh gorrys dhe'n mernans yn sur; y woes a vydh warnodho y honan.

Ezekiel 18:17

neb a dreyl y leuv dhiworth den boghosek, neb na gemmer oker na goroker, neb a wra ow breusow, ha kerdhes y'm ordenansow: ny verow ev drefenn anewnder y das; ev a vew yn surredi.

Ezekiel 18:8

mar ny wra presta rag oker, na kemmeres goroker, mar ny dreyl y leuv dhiworth kammhynseth, mes ev a wra gwirvreus yntra gour ha gour,

Levitikus 25:36

Na gemmer oker na gwayn dhiworto, mes perth own a dha Dhuw, may pessyo dha vroder bos trigys genes.