Lavarow Koth 28:4 - An Bibel Kernewek 20234 (Kernewek Kemmyn)

⁴ An re a forsak an lagha a wormel an tebelwas, mes an re yw gostydh dhe'n lagha a striv er aga fynn

Lavarow Koth 28:4 ပူးပေါင်းရင်းမြစ်များ

1 Myghternedh 18:18

Ev a worthybis, ‘Ny droblis Ysrael; mes ty ha chi dha das a'n gwrug, drefenn hwi dhe eskasa gorhemmynnow an Arloedh ha holya an Baalim.

1 Myghternedh 18:21

Ena Elias a dheuth ogas dhe oll an bobel, ha leverel, ‘Pes termyn a vynnowgh kloppya yntra dew dybyans? Mars yw an Arloedh Duw, holyewgh ev; mes mars yw Baal, ena holyewgh ev.’ Mes ny worthybis an bobel ger dhodho.

Nehemia 13:15

Y'n dydhyow na my a welas tus yn Yuda ow trettya gwinwaskow y'n sabot, hag ow tri a-ji bernyow ys hag orth aga beghya war asenes; hag ynwedh gwin, gwinreun, figys, ha pub eghenn arall a veghyow. I a's dhros yn Yerusalem yn dydh sabot; ytho my a's gwarnyas erbynn kwertha boes y'n jydh na.

Nehemia 13:28

Onan a vebyon Yoyada mab Elyashib an arghoferyas, o deuv dhe Sanballat an Horonyas; rakhenna my a'n pellhas yn-mes a'm lok.

Salmow 10:3

Rag an tebelwas a vost a vynnas y enev, ev a vennik an den yw kraf rag gwayn anewn, ha dispresya an Arloedh.

Salmow 49:18

Rag ev a vennik y enev hag ev yn few, ha tus a'th wormel pan sewenydh.

Yeremia 5:30

Tra varthys ha skruthus yw hwarvedhys y'n tir;

Matthew 14:4

rag Yowann a leveris dhodho, ‘Nyns yw lafyl ty dh'y havoes.’

Matthew 3:15

Mes Yesu a worthybis ow leverel dhodho, ‘Gas henna dhe vos lemmyn, rag yndellma y tegoedh dhyn kollenwel pub ewnder.’ Ena ev a assentyas.

Matthew 3:7

Hag ev, ow kweles meur a Fariseow ha Sadukeow ow tos dh'y vesydh, a leveris dhedha, ‘Hwi askorr nadres! Piw re'gas gwarnyas dhe fia dhiworth an sorr a dheu?

Oberow 12:22

ha'n routh a armas, ‘Lev duw, a-der den.’

Oberow 15:2

Ha pan esa dhe Powl ha Barnabas meur a gedrynn ha dadhel gansa, i a dhewisas Powl ha Barnabas ha re erell anedha dhe dhos yn-bann dhe'n abesteli ha'n henavogyon yn Yerusalem a-dro dhe'n govynn ma.

Oberow 19:9

Mes drefenn bos re anedha penn-kales ha diskryjyk, ow kewsel drog a-dro dhe'n Fordh a-rag an routh, ev a omdennas dhiworta hag ow kemmeres an dhyskyblon ganso, yth esa ow tadhla pub dydh yn skol Tyrannus.

Romanyon 1:32

Kyn hwodhons ordenans Duw may tegoedh an mernans dhe'n re a wra taklow a'n par ma, ny's gwrons yn unnsel mes plegadow gansa yw an re a's gwra.

Efesianys 5:11

Ha na gemmerewgh rann gans gwriansow difrut an tewlder; gwell yw aga heredhi.

1 Thessalonianys 2:2

mes wosa godhevel kyns ha bos arvedhys, dell wodhowgh, yn Filippi, yth en ni kolonnek yn agan Duw dhe gewsel orthowgh aweyl Duw, gans strivyans meur.

1 Yowann 4:5

A'n bys ymons, yndella y kewsons a'n bys, ha'n bys a's klew.

Lyther Yud 1:3

Hwi garadowyon, ha genev mall dres eghenn a skrifa dhywgh a-dro dh'agan selwyans kemmyn, res o dhymm skrifa dhywgh ow pysi may striffyewgh a-barth an fydh re beu unnweyth kemmynnys dhe'n syns.