Lavarow Koth 28:22 - An Bibel Kernewek 20234 (Kernewek Kemmyn)

²² Gour pith a fysk dhe vos rych, ha ny woer ev y teu boghosogneth warnodho.

Lavarow Koth 28:22 ပူးပေါင်းရင်းမြစ်များ

Jenesis 19:17

Ha pan wrussens aga dri yn-mes, yn-medhons, ‘Fi rag dha vewnans. Na wra mires a-dryv dhis, na gortos le vyth y'n plen a-dro; fi dhe'n menydh ma na vi diswrys.’

Lavarow Koth 21:5

Towlow an den diwysyk a hembronk yn sur dhe balster, mes pub huni hag yw fysk a dheu dhe voghosogneth.

Lavarow Koth 22:16

Neb a arwask an boghosek dhe ynkressya y rychys, ha neb a re dhe'n den rych, a dheu dhe esow.

Lavarow Koth 23:6

Na dheber bara an den kraf; na yeun war-lergh y voes sawrek;

Lavarow Koth 28:20

An gour a lenduri a'n jevydh meur a vennathow, mes neb a fysk dhe vos rych ny vydh heb kessydhyans.

Matthew 20:15

A ny'm beus kummyas dhe wul kepar dell vynnav gans ow fyth ow honan? Po yw dha lagas jy drog drefenn my dhe vos hel?”

Mark 7:22

avoutri, krefni, sherewneth, falsuri, drokhwans direwl, tebel-lagas, blasfemi, goeth, follneth;

1 Timothi 6:9

An re a vynn bos rych a goedh yn temptasyon ha maglenn ha lies tebel-ewl gokki ha drog a wra dhe dus beudhi yn terroes ha diswrians.