Lavarow Koth 27:18 - An Bibel Kernewek 20234 (Kernewek Kemmyn)

¹⁸ Neb a with figbrenn a dheber y froeth, ha neb a with y vester a vydh enorys.

Lavarow Koth 27:18 ပူးပေါင်းရင်းမြစ်များ

2 Myghternedh 18:31

Na woslowewgh orth Hezekia; rag yndella y lever myghtern Assyria: “Gwrewgh kres genev ha dewgh yn-mes dhymm; ena dybres pub den dhiworth y winbrenn y honan ha dhiworth y figbrenn y honan, hag eva dowr dhiworth y dhowrargh y honan,

2 Myghternedh 3:11

Mes Yehoshafat a leveris, ‘A nyns eus omma profoes an Arloedh may hyllyn dredho hwilas dhiworth an Arloedh?’ Ena onan a wesyon myghtern Ysrael a worthybis, ‘Yma Elisha mab Shafat, omma, neb a dhiveri dowr war dhiwla Elias.’

2 Myghternedh 5:25

Ev eth a-ji ha sevel a-rag y vester; hag Elisha a leveris dhodho, ‘A-ble osta devedhys, Gehazi?’ Yn-medh ev, ‘Nyns eth dha was neb tyller vytholl.’

2 Myghternedh 5:27

Rakhenna lovryjyon Naaman a wra glena dhis, ha dhe'th hasenn bys vykken.’ Hag ev eth yn-mes klavorek dhiworth y lok, mar wynn avel an ergh.

Ester 6:11

Ytho Haman a gemmeras an dillas ha'n margh, ha dillasa Mordekay, ha'y hembronk war geyn margh dre blen an sita, hag a grias a-ragdho, ‘Yndella y fydh gwrys dhe'n gour a vynn an myghtern y enora!’

Salmow 123:2

Otta, kepar dell vir dewlagas servysi orth leuv aga mestrysi, ha dewlagas maghteth orth leuv hy mestres, yn kettella agan dewlagas ni a vir orth an Arloedh, erna gemmerro truedh ahanan.

Eksodus 24:13

Ytho Moyses a sevis gans y venyster Yoshua, ha Moyses a yskynnas dhe venydh Duw.

Lavarow Koth 17:2

Keth neb a dhyght yn fur a rewl mab neb a dhre mewl, hag ev a gevrenn an eretons yn mysk an vreder.

Lavarow Koth 22:29

A welydh an gour skentel yn y ober? Ev a sev a-rag myghternedh; ny sev a-rag tus kemmyn.

Lavarow Koth 27:17

Horn a lymm horn, yndella den a lymm skians den arall.

Lavarow Koth 27:19

Dell dhastewynn dowr an fas, yndella y hwra kolonn den dhe dhen arall.

An Gan a Ganow 8:12

Ow gwinlann, ow honan, yw dhymmo vy, ha Solomon, ty a bew an mil, ha gwithysi an frutys a bew dew kans.

Ysay 36:16

Na woslowewgh orth Hezekia; rag yndellma y lever myghtern Assyria: “Omrewgh ha dewgh yn-mes dhymm. Ena pubonan a dheber a'y winbrenn y honan ha'y figbrenn y honan ha pubonan a yv a'y buth y honan,

Matthew 24:25

Otta, my re'gas gwarnyas a-rag dorn.

Matthew 24:46

Gwynn y vys an kethwas na, a wra y arloedh y gavoes ow kul yndella pan dheffo.

Mark 10:43

Mes yndella ny vydh yntredhowgh hwi; mes ahanowgh neb a vynno bos meur a vydh agas servont,

Luk 12:37

Gwynn aga bys an gethwesyon na, neb a wra an mester aga havoes difun pan dheu; yn hwir y lavarav dhywgh, ev a gelm y wrogys, ha'ga desedha orth an voes, ha mos yn-rag dh'aga servya.

Luk 12:42

Ha'n Arloedh a worthybis, ‘Piw ytho yw an rennyas lel ha doeth neb a re an mester dhodho charj a'y servysi dhe ri dhedha aga ewnrannow y'n seson ewn?

Luk 19:17

Yn-medh ev dhodho, “Yn ta re wruss'ta, ow hethwas da! Rag ty dhe vos lel y'n mater pur vyghan ma, kemmer awtorita a-ugh deg trev.”

Yowann 12:26

Piwpynag a'm serfyo, gwres ev ow siwya; hag y'n tyller mayth esov, ena ynwedh y fydh ow servont. Piwpynag a'm serfyo, an Tas a wra y enora.

Oberow 10:7

Pan alsa dhe-ves an el neb a gewsis orto, ev a elwis dew a wesyon an mayni ha souder kryjyk a'n re a'n servya prest,

1 Korinthianys 3:8

Neb a blans ha neb a dhowr yw parow, ha kettep onan a wra degemmeres y wober herwydh y wonis y honan.

1 Korinthianys 9:13

A ny wodhowgh hwi an re arvethys y'n tempel dhe gavoes aga boes dhiworth an tempel, ha'n re ow servya orth an alter dhe gevrenna an pyth re beu offrynnys?

1 Korinthianys 9:7

Py souder a serv yn y gost y honan? Piw a blans gwinlann heb dybri rann a'y frut? Po py bugel deves a with para heb kavoes rann a'n leth?

Kolossianys 3:22

A gethwesyon, obayewgh dh'agas arlydhi war-lergh an kig yn pup-tra, a-der gans gonis yw gwelys rag plegya dhe vab-den, mes gans glander kolonn, ow perthi own a'n Arloedh.

2 Timothi 2:6

Dhe'n tiek ow lavurya y koedh dhodho kavoes an kynsa rann a'n drevas.

1 Peder 2:18

Kethwesyon, bedhewgh gostydh yn pub own dh'agas mestrysi, dhe'n re da ha meur aga godhevyans, mes dhe'n re dhignas ynwedh.

1 Peder 2:21

Rag dhe hemma y fewgh hwi gelwys, rag Krist ynwedh a wodhevis ragowgh hwi dhe wir, ow kasa dhywgh ensampel, may siwyewgh olow y dreys.

1 Samuel 2:30

Rakhenna an Arloedh, Duw Ysrael a dhiskler: “My a leveris yn hwir dha ji ha chi dha das dhe gerdhes a-dheragov bys vykken”; mes lemmyn an Arloedh a dhiskler: “Pell bedhes dhiworthiv; rag an re neb a'm enor my a enor, ha'n re neb a'm dispres a vydh dyghtys gans bismer.