Lavarow Koth 27:10 - An Bibel Kernewek 20234 (Kernewek Kemmyn)

¹⁰ Na forsak dha goweth na koweth dha das; ha na enter dhe ji dha vroder yn dydh dha derroes. Gwell yw kentrevek eus yn ogas ages broder eus pell.

Lavarow Koth 27:10 ပူးပေါင်းရင်းမြစ်များ

2 Samuel 19:24

Mefibosheth mab-wynn Sowl a dheuth yn-nans dhe vetya an myghtern. Ny wrussa kemmeres gwith a'y dreys, na treghi y varv, na golghi y dhillas, a-dhia'n jydh may tibarthas an myghtern bys y'n jydh may teuth arta yn kres.

2 Samuel 19:28

Rag oll chi ow thas a veu gwer ow tervynn an mernans dherag ow arloedh; hwath ty a settyas dha was yn mysk an re a dheber orth dha voes. Ytho py reyth eus dhymm kria moy dhe'n myghtern?’

2 Samuel 21:7

Mes an myghtern a sparyas Mefibosheth mab Yonathan mab Sowl, drefenn an ti a-rag an Arloedh esa yntredha, yntra Davydh ha Yonathan mab Sowl.

2 Kroniklys 24:22

Ny borthas Yoash an myghtern kov a'n tregeredh diskwedhys dhodho gans Yehoyada y das, mes ev a ladhas y vab. Hag ev yn eneworres, ev a leveris, ‘Re wello an Arloedh ha diella!’

Lavarow Koth 17:17

Koweth a gar pup-prys, ha broder yw genys rag gweres yn droglamm.

Lavarow Koth 18:24

Yma dhe wour kowetha a omwra bos kowetha, mes yma gwir goweth hag a len nes ages broder.

Lavarow Koth 19:7

Oll breder an boghosek a'n kas: kemmys moy yth a y gowetha dhiworto. Ev a's helgh gans geryow mes nyns esons i ena.

Yeremia 2:5

Yndellma y lever an Arloedh Pana dhrogober re gavas aga thasow ynnov, mayth ens gyllys pell ahanav, ha may kerdhsons war-lergh euveredh, ha devedhys ha bos euver vons?

Oberow 23:12

Pan dheuth an jydh an Yedhewon a wrug bras yn-dann li a vollethi, na wrens dybri nag eva kyns i dhe ladha Powl.

Dewteronomi 22:1

Na vir orth ojyon dha vroder po y oen ow mos yn stray, hag omgudha ragdha; gwra aga daskorr dhe'th vroder.