Lavarow Koth 25:25 - An Bibel Kernewek 20234 (Kernewek Kemmyn)

²⁵ Avel dowrow yeyn dhe neb a'n jeves syghes, yndella yw nowodhow da a vro bell.

Lavarow Koth 25:25 ပူးပေါင်းရင်းမြစ်များ

Jenesis 45:27

Hag i a leveris dhodho oll an geryow a wrug Yosep leverel dhedha; mes pan welas an kertys a wrug Yosep aga dannvon rag y dhoen, spyrys Yakob aga thas a vewas arta.

2 Samuel 23:15

Davydh a yeunis ha leverel, ‘Unnweyth a rolla nebonan dhymm diwes a'n dowr dhiworth puth Bethlehem usi ryb an yet!’

Salmow 63:1

A Dhuw, ty yw ow Duw, my a'th hwither dihwans. Yma syghes dhe'm enev war dha lergh, ow hig a'n jeves hireth ragos, yn tir kras ha sygh ma nag eus dowr.

Eksodus 17:6

Otta, my a sev a-ragos ena war an garrek yn Horeb, ha ty a wra gweskel an garrek, ha dowr a wra dos anedhi mayth effo an bobel.’ Ha Moyses a wrug yndella a-wel henavogyon Ysrael.

Lavarow Koth 15:30

Golow an dewlagas a lowenha an golonn, ha nowodhow da a re nerth dhe'n eskern.

Lavarow Koth 25:26

Avel fenten leysek po puth stronk yw den gwiryon a ombleg dhe debelwas.

Ysay 52:7

Ass yw teg war an menydhyow treys an gannas hag a dhre nowodhow da, neb a dhyllo kres ha derivas dader, neb a dhyllo selwyans; neb a lever dhe Sion, ‘Dha Dhuw a reyn.’

Ysay 55:1

Ho, keniver a's teffo syghes, dewgh dhe'n dowrow; ha hwi na'gas beus arghans, dewgh, prenewgh ha dybrewgh! Dewgh, prenewgh gwin ha leth heb arghans ha heb pris.

Yeremia 18:14

A wra ergh Lebanon gasa karrek an gwel? Po a wra dowrow an menydhyow pell desygha, an goverow yeyn ow resek?

Nahum 1:15

Awotta, war an menydhyow treys kannas nowodhow da, ow terivas kres! Gwith dha dhy'goelyow, A Yuda, kollanw dha ambosow, rag ny dremen an tebelwas dredhos nevra namoy; ev yw treghys dhe-ves yn tien.

Yowann 7:37

Y'n jydh diwettha, dydh meur an goel, Yesu a sevis ha kria, ow leverel, ‘Den mara'n jeves syghes, des ev dhymmo vy, hag eva.

Romanyon 10:15

Ha fatell yllir pregoth mar nyns or dannvenys? Dell yw skrifys, ‘Ass yns i teg treys an re ow tyllo nowodhow da!’

1 Timothi 1:15

Len yw an ger ha gwiw dhe bub kemmeryans, Krist Yesu dhe dhos a-bervedh y'n bys dhe selwel peghadoryon; ha'n kynsa anedha ov vy.

Yoshua 22:33

Pes da o an Ysraelysi; ha'n Ysraelysi a vennigas Duw ha ny gowssons namoy a vos yn-bann er aga fynn gans lu, rag distrui an tir le mayth esa an Rewbenysi ha'n Gadysi trigys.

Diskwedhyans 21:6

Hag ev a leveris dhymm, ‘Gwrys yw. Alfa hag Omega ov vy, an dalleth ha'n diwedh. My a re dhe neb a'n jeves syghes a fenten an dowr a vewnans heb kost.

Diskwedhyans 22:17

Hag yn-medh an Spyrys ha'n venyn bries, ‘Deus’, ha leveres neb a glewvo, ‘Deus’, ha des neb a'n jeffo syghes; neb a vynno, kemmeres ev a'n dowr a vewnans heb kost.