Lavarow Koth 25:2 - An Bibel Kernewek 20234 (Kernewek Kemmyn)

² Glori Duw yw gwitha taklow kudhys, mes glori myghternedh yw aga diskudha.

Lavarow Koth 25:2 ပူးပေါင်းရင်းမြစ်များ

2 Samuel 1:5

Ena Davydh a wovynnas orth an gour yowynk neb a dherivas orto, ‘Fatell wodhes Sowl ha'y vab Yonathan dhe verwel?’

2 Samuel 14:19

Ha'n myghtern a leveris, ‘A nyns usi leuv Yoab genes yn oll hemma?’ Ha'n venyn a worthybis ha leverel, ‘Kepar dell vewydh, ow arloedh an myghtern, ny yllir treylya dhe'n dyghow na dhe'n kledh dhiworth travyth re leveris ow arloedh an myghtern. Rag dha was Yoab, ev a erghis dhymm, hag ev a worras oll an geryow ma yn ganow dha vaghteth.

Ezra 4:15

may hwiller yn lyver kovadhow dha dasow: yndella ty a gyv yn lyver an kovadhow, ha dyski bos an sita ma sita dhiwostydh, hag a wra pystiga myghternedh ha rannvroyow, hag rebellyans re sordyas ynni a-henys: rakhenna an sita ma a veu difeythys.

Ezra 4:19

Ytho my a dhellos arghadow, hag i a hwithras, ha dyski an sita ma dhe omsevel a-henys erbynn myghternedh, ha rebellyans hag ankres re beu gwrys ynni.

Ezra 5:17

Ytho lemmyn, mar hevel da dhe'n myghtern, re hwiller yn kovadhow an myghtern, usi ena yn Babylon, mar peu arghadow dyllys gans Kyrus an myghtern dhe dhrehevel an chi ma a Dhuw yn Yerusalem. Ha dhannvones an myghtern y vynnas dhyn a-dro dhe'n mater ma.

Ezra 6:1

Ena Darius an myghtern a dhellos arghadow, hag i a hwilas yn lyverva an dresorva, yn tyller mayth esa gwithys an tresoryow yn Babylon.

Job 29:16

Tas rag an voghosogyon en, ha my a skoedhya ken an den na aswonnyn.

Job 38:4

‘Ple'th eses pan settis vy sel an norvys? Lavar dhymm, mars eus konvedhes dhis.

Job 40:2

‘A yll den kavyllek strivya gans an Ollgalloesek? Neb a dhadhel gans Duw, gorthybes ev dhodho.’

Job 42:3

“Piw yw hemma, neb a gudh kusul heb godhvos?” Yn sur my a gewsis a daklow na gonvedhis, taklow re vryntin ragov dh'aga godhvos.

Lavarow Koth 25:27

Nyns yw da dybri meur a vel, ha nyns yw glori tus dhe hwilas aga glori aga honan.

Lavarow Koth 25:3

Avel an ebron yn ughelder, avel an nor yn downder, yndella dres hwithra yw kolonn myghternedh.

Ekklesiastes 1:13

ha my a settyas ow brys yn furneth dhe hwilas ha hwithra pup-tra re beu gwrys yn-dann nev. Beghus yw an ober re ros Duw dhe vebyon den, gans meur a daklow dhe wul.

Dewteronomi 29:28

An Arloedh a's diwreydhyas dhiworth aga thir yn sorr, hag yn konnar, hag yn koler bras, hag ev a's tewlis dhe dir arall, kepar hag y'n jydh hedhyw.’

Dewteronomi 29:29

An Arloedh agan Duw a bew an taklow kudhys, mes dhyn ni yma an taklow diskudhys, ha dh'agan mebyon bys vykken, rag may hwryllyn oll geryow an lagha ma.