Lavarow Koth 25:15 - An Bibel Kernewek 20234 (Kernewek Kemmyn)

¹⁵ Gans perthyans y hyllir dynya rewler, ha taves medhel a yll terri eskern.

Lavarow Koth 25:15 ပူးပေါင်းရင်းမြစ်များ

Job 41:3

A wra ev lies aspysadow dhis? A gews ev orthis gans geryow medhel?

Lavarow Koth 15:1

Gorthyp medhel a dreyl konnar dhe-ves, mes ger tynn a dhre sorr yn-bann.

Lavarow Koth 16:14

Sorr myghtern yw kannas ankow, ha gour fur a'n diserr.

Lavarow Koth 16:32

Neb yw lent ow serri yw gwell ages gour galloesek, ha neb a rewl y spyrys ages neb a gemmer sita.

Ekklesiastes 10:4

Mara sev sorr an rewler er dha bynn, na as dha dyller, rag kalmynsi a dhiswra peghosow bras.

Breusysi 14:9

Ev a'n kravas yn-mes yn y dhiwdhorn, hag ev eth yn-rag, ow tybri hag ev ow mos. Pan dheuth dh'y das ha dh'y vamm, ev a ros neppyth anodho dhedha, hag i a'n dybris. Mes ny dherivas dhedha y kemmersa an mel dhiworth korf an lew.

1 Samuel 25:14

Mes onan a'n wer yowynk a dherivas dhe Abigayl, gwreg Nabal, ‘Otta, Davydh a dhannvonas kannasow mes a'n gwylvos dhe salusi agan mester; hag ev a's despityas.