Lavarow Koth 24:28 - An Bibel Kernewek 20234 (Kernewek Kemmyn)

²⁸ Na vydh dustunier erbynn dha gentrevek heb acheson, ha na gammled gans dha dhiwweus.

Lavarow Koth 24:28 ပူးပေါင်းရင်းမြစ်များ

Job 2:3

An Arloedh a leveris dhe Satnas, ‘A bredersys a-dro dhe'm gwas Job? Nyns eus denvyth kepar hag ev war an norvys, gour divlam hag ewnhynsek, ow perthi own a Dhuw hag ow treylya dhiworth drog. Ev a with y lander hwath yn fast, kynth ynnisys warnav y dhistrui heb kaws.’

Salmow 35:11

Fals dhustuniow a sev; i a wovynn dhiworthiv taklow nag aswonnav.

Salmow 35:7

Rag heb ken i re gudhas aga roes dhymm yn pytt; heb ken i re balas pytt rag ow enev.

Salmow 52:1

Prag y fostydh yn drogober, ty vreselyas? Tregeredh Duw a dhur oll an jydh.

Eksodus 20:16

Na wra fals dhustuni erbynn dha gentrevek.

Eksodus 23:1

Ny wredh leverel fals dherivas. Na worr dha leuv gans tebelwas, dhe vos fals dhustunier.

Lavarow Koth 14:5

Ny wowlever dustunier lel, mes fals dhustunier a dhiver gowyow yn-mes.

Lavarow Koth 19:5

Nyns a fals dhustunier heb kessydhyans, ha ny dhienk gowleveryas.

Lavarow Koth 19:9

Nyns a fals dhustunier heb kessydhyans, ha gowleveryas a dhe goll.

Lavarow Koth 21:28

Fals dhustunier a dhe goll, mes gour hag a woslow yn ta a gews yn sewen.

Lavarow Koth 25:18

Fust, kledha po seth lymm yw neb a dheg fals dhustuni erbynn kentrevek.

Lavarow Koth 26:19

yndella yw neb a doell y gentrevek hag a lever, ‘Nyns esov marnas ow kul ges!’

Levitikus 19:11

Ny wrewgh hwi ladra na toella na frowsya an eyl y gila.

Levitikus 6:2

Mar pegh den ha gul neppyth dislel erbynn an Arloedh, ow leverel gow dh'y hynsa a-dro dhe neppyth gesys dhodho dhe witha, po gorrys yn y jarj avel mewgh, po neppyth ledrys dre nerth, po mar arwaskas y hynsa,

Levitikus 6:3

po mar kavas neppyth o kellys ha leverel gow yn y gever ha ti yn fals a-dro dhe onan a'n taklow gwrys gans den, ha pegha yndellma:

Matthew 27:23

Yn-medh ev, ‘Pana dhrog ytho a wruga?’ Mes i a armas dhe voy ow leverel, ‘Bedhes krowsys!’

Yowann 15:25

Mes hemm yw, rag may fo kollenwys an ger skrifys yn aga lagha, “I re'm kasas heb acheson.”

Efesianys 4:25

Rakhenna, gorrewgh dhe-ves gowegneth, ha ‘kewsel pubonan an gwir gans agas hynsa’, rag agan bos eseli an eyl a'y gila.

Kolossianys 3:9

Na wrewgh gowleverel an eyl dh'y gila, wosa diwiska an den koth gans y wriansow ev,

Diskwedhyans 21:8

Mes an ownogyon, ha'n dhiskryjygyon, ha'n re gasadow, ha denledhysi, ha'n re a wra fornikasyon, ha pystrioryon ha gordhyoryon idolys, ha pub gowleveryas a's teves aga rann y'n lynn a lesk gans tan ha loskven, hag yw an nessa mernans.’

Diskwedhyans 22:15

A-ves yma an keun, ha'n bystrioryon, ha'n re a wra fornikasyon ha denladh, ha'n re a wordh idolys, ha pubonan a gar ha gul falsuri.