Lavarow Koth 24:13 - An Bibel Kernewek 20234 (Kernewek Kemmyn)

¹³ Ow mab, deber mel, rag da yw; mel dhiworth an gribenn yw hweg dhe'th stevnik.

Lavarow Koth 24:13 ပူးပေါင်းရင်းမြစ်များ

Salmow 119:103

Ass yw hweg dha lavarow dhe'm stevnik, hwekka es mel dhe'm ganow!

Salmow 19:10

Moy desirys yns i ages owr, ages meur a owr fin; ha hwekka yns i es mel, ha'n gribenn mel.

Lavarow Koth 16:24

Geryow teg yw avel kribenn vel, hwekter dhe'n enev ha yeghes dhe'n eskern.

Lavarow Koth 25:16

Mar kevydh mel, deber kemmys a vydh lowr ragos, poken, ow pos lenwys ganso, ty a'n hwyj.

Lavarow Koth 25:27

Nyns yw da dybri meur a vel, ha nyns yw glori tus dhe hwilas aga glori aga honan.

Lavarow Koth 27:7

Kas yw mel dhiworth an gribenn dhe neb yw leun, mes dhe neb a'n jeves nown, pup-tra hwerow yw hweg.

An Gan a Ganow 4:11

Dha dhiwweus a dhever mel dell ve dhiworth an gribenn, ow fries; yma mel ha leth yn-dann dha daves, hag ethenn dha dhillas yw avel ethenn Lebanon.

An Gan a Ganow 5:1

My re dheuth a-berth y'm lowarth, ow hwoer, ow fries, my re guntellas ow myrr gans ow spis, my re dhybris ow kribenn mel gans ow mel, my re evas ow gwin gans ow leth. Dybrewgh, A gowetha, evewgh, ha bedhewgh medhow dre gerensa.

Ysay 7:15

Kowles ha mel y teber bys pan woer denagha an drog ha dewis an da.

Matthew 3:4

Ha dhe Yowann yth esa gwisk gwrys a vlew kowrvargh gans grogys a groghen a-dro dh'y dhiwglun, ha'y voes o lokustes ha mel gwyls.

Breusysi 14:9

Ev a'n kravas yn-mes yn y dhiwdhorn, hag ev eth yn-rag, ow tybri hag ev ow mos. Pan dheuth dh'y das ha dh'y vamm, ev a ros neppyth anodho dhedha, hag i a'n dybris. Mes ny dherivas dhedha y kemmersa an mel dhiworth korf an lew.

1 Samuel 14:27

Mes ny glewas Yonathan y das pan jarjyas ev an bobel gans an ti; hag ev a ystynnas an lorgh esa yn y dhorn, ha troghya an bleyn yn kribenn vel, ha gorra y leuv dh'y anow; ha'y lagas a veu splannhes.