Lavarow Koth 23:29 - An Bibel Kernewek 20234 (Kernewek Kemmyn)

²⁹ Piw a'n jeves guw? Piw a'n jeves galar? Piw a'n jeves kedrynnow? Piw a'n jeves goliow heb acheson? Piw a'n jeves dewlagas wythiek?

Lavarow Koth 23:29 ပူးပေါင်းရင်းမြစ်များ

Jenesis 19:33

Hag i a wrug dh'aga thas eva gwin an nos na, ha'n kynsa-genys a dheuth ha growedha gans hy thas, ha ny wodhva ev pan wrowedhas hi, na pan sevis yn-bann.

Jenesis 49:12

Terlentri a wra y dhewlagas gans gwin, ha gwynn vydh y dhyns gans leth.

2 Samuel 11:13

Ena Davydh a'n gelwis dhe dhybri hag eva dheragdho, hag ev a'n gwrug medhow; ha gorthugherweyth ev eth yn-mes dhe wrowedha war y weli gans gwesyon y arloedh, mes ny wrug ev mones yn-nans dh'y ji.

2 Samuel 13:28

Ena Absalom a erghis dh'y wesyon, ha leverel, ‘Merkyewgh pan yw y golonn meri gans gwin, ha pan lavarav dhywgh, “Gweskewgh Amnon”, ena ledhewgh ev. Na berthewgh own; a ny erghis dhywgh? Bedhewgh krev ha bedhewgh kolonnek.’

Lavarow Koth 20:1

Gwin yw skornyer ha korev a wra tervans, ha nyns yw fur neb yw kammledys gansa.

Lavarow Koth 23:20

Na vydh yn mysk an dus yw omres dhe win, nag yn mysk an dus a dheber re a gig;

Lavarow Koth 23:21

rag an penn-medhow ha'n argasenn a dheu dhe voghosogneth, ha kosk a'n gwisk yn kloutys.

Ysay 5:11

Go-i a dhifun myttin a-varr dhe helghya korev, ha tarya bys nos, ynflammys gans gwin.

Ysay 5:22

Go-i neb yw galloesek dhe eva gwin, ha kampyoryon dhe gemmyska korev,

Nahum 1:10

Rag kepar ha spern kesplethennys, ha kepar ha diwes pennow medhow, devorys vydhons, kepar ha sowl fest sygh.

Efesianys 5:18

Ha na vedhewgh medhow dre win, mayth eus fowt rewl, mes bedhewgh lenwys a'n Spyrys,