Lavarow Koth 23:23 - An Bibel Kernewek 20234 (Kernewek Kemmyn)

²³ Pren gwiryonedh ha na'n gwerth, pren furneth, dyskans ha konvedhes.

Lavarow Koth 23:23 ပူးပေါင်းရင်းမြစ်များ

Salmow 119:127

Rakhenna my a gar dha worhemmynnow moy ages owr, moy ages owr fin.

Salmow 119:72

Gwell genev yw lagha dha anow ages milyow a owr hag a arghans.

Lavarow Koth 10:1

Lavarow koth Solomon. Mab fur a wra tas lowen, mes mab foll yw keudh dh'y vamm.

Lavarow Koth 16:16

Ass yw gwell kavoes furneth ages owr, ha gwell yw dewis konvedhes ages arghans!

Lavarow Koth 17:16

Prag yma an pris yn dorn foll rag prena furneth, pan nag eus dhodho an golonn dh'y gavoes?

Lavarow Koth 18:15

Brys poellek a gyv godhvos, ha skovarn tus fur a hwila godhvos.

Lavarow Koth 9:8

Na geredh skornyer poken ev a'th kas; keredh den fur hag ev a'th kar.

Ysay 55:1

Ho, keniver a's teffo syghes, dewgh dhe'n dowrow; ha hwi na'gas beus arghans, dewgh, prenewgh ha dybrewgh! Dewgh, prenewgh gwin ha leth heb arghans ha heb pris.

Matthew 13:44

‘Arta, haval yw gwlaskor nev dhe dresor kelys yn gwel, ha den pan y'n kavas, a'n kudhas, hag yn y lowender, yth eth dhe wertha oll y byth ha prena an gwel na.

Matthew 13:46

ha pan gavas perl a bris meur yth eth ha gwertha oll a'n jeva hag a'n prenas.

Matthew 16:26

Rag py les a vydh dhe dhen mar kwra ev gwaynya oll an bys mes ev a gyll y enev y honan? Po pandr'a wra den y ri yn attal rag y enev?

Oberow 20:23

marnas an Spyrys Sans a dheg dustuni dhymm yn pub sita, ow leverel bos kolmow ha galarow orth ow gortos.

Ebrowyon 11:26

Ev a dybi godhevel tebel dhyghtyans rag an Krist kevoeth moy ages tresoryow Ejyp, rag y fira yn-rag orth an gober.

Diskwedhyans 12:11

Hag i a'n fethas dre woes an Oen ha dre er aga dustuni, ha ny garsons aga bewnans bys yn ankow.

Diskwedhyans 3:18

My a'th kusul a brena owr prevys y'n tan dhiworthiv may fi rych, ha dillas gwynn may fi gwiskys ha na omdhiskwettho an meth a'th noethedh, ha prena eli rag ura dha dhewlagas may hylli gweles.