Lavarow Koth 23:10 - An Bibel Kernewek 20234 (Kernewek Kemmyn)

¹⁰ Na dhile men-kov koth, na enter yn parkow omdhivasow.

Lavarow Koth 23:10 ပူးပေါင်းရင်းမြစ်များ

Job 22:9

Ty re dhannvonas gwedhwesow dhe-ves gwag aga diwla, ha breghow omdhivasow re beu brewys.

Job 24:9

‘Tus a gib an omdhivas dhiworth an vronn, ha kemmeres yn goestel fleghik an boghosek.

Job 6:27

Hwi a wrussewgh tewlel prenn war an omdhivas hogen, ha kesvargenya rag agas koweth.

Salmow 94:6

I a ladh an wedhwes ha'n alyon, ha moldra an re omdhivas.

Eksodus 22:22

Ny wrewgh tebeldhyghtya gwedhwes vyth po omdhivas.

Lavarow Koth 15:25

An Arloedh a derr dhe'n dor chi an re woethus, mes ev a venten orven an wedhwes.

Lavarow Koth 22:28

Na dhasle an orven koth hag a veu settys gans dha dasow.

Yeremia 22:3

Yndellma y lever an Arloedh: Gwrewgh gwirvreus hag ewnder, ha delivrewgh a-dhiworth dorn an arwasker an den a veu dalghennys. Ha na wrewgh kammhynseth na freudh dhe'n alyon, an omdhivas, na'n wedhwes, po skoellya goes gwiryon y'n tyller ma.

Yeremia 7:5

Rag mar kwellhowgh yn hwir agas fordhow ha'gas gwriansow; mar kwrewgh breusi yn hwir yntra gour ha'y gentrevek;

Yeremia 7:6

mar ny arweskowgh an alyon, an omdhivas, an wedhwes, ha mar ny skoellyowgh goes gwiryon y'n tyller ma, na kerdhes war-lergh duwow erell, dh'agas pystik agas honan,

Zekaria 7:10

Na arweskewgh gwedhwes nag omdhivas, alyon na boghosek. Na dybewgh drog yn agas kolonn, den erbynn y vroder.

Malaki 3:5

Ha my a dheu nes dhywgh rag breus. Ha my a vydh test uskis erbynn an hudoryon ha'n avoutroryon, ha'n re a de yn fals, hag erbynn an re a doell an gweythor a'y wober, an wedhwes ha'n omdhivas, ha treylya dhe-ves an alyon, ha na berthons own ahanav, yn-medh Arloedh an luyow.

Dewteronomi 19:14

Na dhile orven dha gentrevek, a wrug dha ragresegydhyon y'th eretons a eritydh y'n tir a wra an Arloedh dha Dhuw y ri dhis dh'y bewa.

Dewteronomi 27:17

‘Mollothek yw ev neb a remov orven y gentrevek.’ Ena oll an bobel a lever, ‘Amen.’

Jamys 1:27

Kryjyans glan hag andhefolys a-dherag Duw an Tas yw hemma; mos dhe vires orth omdhivasow ha gwedhwesow yn aga anken, hag omwitha dinamm dhiworth an bys.