Lavarow Koth 22:29 - An Bibel Kernewek 20234 (Kernewek Kemmyn)

²⁹ A welydh an gour skentel yn y ober? Ev a sev a-rag myghternedh; ny sev a-rag tus kemmyn.

Lavarow Koth 22:29 ပူးပေါင်းရင်းမြစ်များ

Jenesis 41:38

Hag yn-medh Faro dh'y wesyon, ‘A yllyn ni kavoes gour a'n par ma, hag ynno Spyrys Duw?’

Jenesis 41:46

Ha Yosep o deg bloedh warn ugens y oes pan sevis a-rag Faro myghtern Ejyp. Ha Yosep eth yn-mes dhiworth golok Faro ha tremena der oll pow Ejyp.

Jenesis 47:6

Yma pow Ejyp a-dheragos. Gas dha das ha'th vreder dhe driga yn gwella rann an pow; gas i dhe driga yn pow Goshen. Ha mar kodhes bos yn aga mysk gwer abel, gorr i dhe vos gwithysi war ow chatel vy.’

2 Samuel 2:32

I a gemmeras Asahel yn-bann, ha'y ynkleudhyas yn bedh y das, esa yn Bethlehem. Yoab ha'y wer a gerdhas der oll an nos na, hag i a dheuth dhe Hebron orth tardh an jydh.

1 Myghternedh 10:8

Gwynnvys dha wer! Gwynnvys an re ma dha wesyon, a sev a-ragos heb hedhi ha klewes dha furneth!

1 Myghternedh 11:28

Yeroboam o gour pur alloesek, ha pan welas Solomon bos an gour yowynk diwysyk ev a'n gwrug rewler war oll an lavur konstrynys a ji Yosep.

1 Kroniklys 4:23

An re ma o an briweythoryon trigys yn Netaim ha Gedera; yth esens trigys ena yn servis an myghtern.

Lavarow Koth 10:4

Leuv lows a wra boghosogneth, mes leuv an re dhiwysyk a wra rychys.

Lavarow Koth 12:24

Leuv an dus dhiwysyk a reyn, mes den diek a vydh gorrys dhe hwel krev.

Lavarow Koth 23:1

Pan esedhydh dhe dhybri gans rewlyas, dissern dour an pyth usi a-ragos;

Ekklesiastes 9:10

Pypynag a gyv dha leuv dh'y wul, gwra e gans oll dha nerth, rag nyns eus nag ober na resna na godhvos na furneth yn ifarn le mayth edh.

Daniel 1:19

Ha'n myghtern a gewsis gansa, ha nyns esa nagonan yn mysk oll an vebyon avel Daniel, Hanania, Mishael hag Azaria, pan sevsons a-rag an myghtern.

Daniel 1:4

gwer yowynk dhinamm, teg dhe weles, ha konnyk yn pub furneth, leun a skians, ow konvedhes dyskans, ha gwiw rag servya yn palys an myghtern, ha dhe dhyski dhedha lytherennow ha taves an Kaldeanys.

Matthew 25:21

Yn-medh y vester dhodho, “Yn ta re wruss'ta, ty gethwas da ha lel, war nebes ty re beu lel, my a re dhis charj a lies tra. Ke dhejy a-bervedh yn lowena dha vester.”

Matthew 25:23

Yn-medh y vester dhodho, “Yn ta y hwruss'ta, ty gethwas da ha lel, ty re beu lel war nebes, my a re dhis charj a lies tra. Ke dhejy a-bervedh yn lowena dha vester.”

Romanyon 12:11

yn diwysykter heb sygerneth, yn spyrys owth enowi, ow servya an Arloedh,

2 Timothi 4:2

pregoth an ger; bydh ter, da po drog kyn fo an seson; gwra keredhi, keski hag ynnia gans pub hirwodhevyans ha dyskas.

1 Samuel 16:21

Ha Davydh a dheuth dhe Sowl, ha sevel a-dheragdho. Sowl a'n kara yn feur, hag ev a dheuth ha bos deger y arvow.

1 Samuel 17:31

Pan veu klewys an geryow a gewsis Davydh, i a's dasleveris a-dherag Sowl; hag ev a dhannvonas war y lergh.