Lavarow Koth 22:23 - An Bibel Kernewek 20234 (Kernewek Kemmyn)

²³ Rag an Arloedh a bled aga hen, ha pylla bewnans aga fylloryon.

Lavarow Koth 22:23 ပူးပေါင်းရင်းမြစ်များ

Salmow 103:6

An Arloedh a wra ewnder ha gwirvreus dhe seul yw arweskys.

Salmow 12:5

‘Drefenn an voghosogyon dhe vos ravnys, drefenn kynvann an edhommogyon, lemmyn my a sev’, yn-medh an Arloedh; ‘my a'n gorr y'n sawder a yeun ev.’

Salmow 12:6

Lavarow an Arloedh yw lavarow glan, avel arghans teudhys yn forn a bri, purhes seythgweyth.

Salmow 140:12

My a woer y hwra an Arloedh pledya ken an den gwann, ha mentena gwir an voghosogyon.

Salmow 140:13

Sur, an re wiryon a woer gras dhe'th hanow; an re ewnhynsek a drig a-dheragos.

Salmow 35:1

Striv, A Arloedh, gans an re a striv genev; omladh erbynn an re a omladh er ow fynn.

Salmow 35:10

Ow eskern oll a lever, A Arloedh, piw yw avelos jy, ow telivra an den gwann dhiworth piwpynag a vo re grev ragdho, an den gwann ha boghosek dhiworth neb a'n pyll.

Salmow 43:1

Breus vy, A Dhuw, ha pled ow hen erbynn kenedhel ansans; gwra ow delivra dhiworth an falswas ha'n sherewa.

Salmow 68:5

Tas dhe'n omdhivasow, ha breusyas an gwedhwesow, yndella yw Duw yn y drigva sans.

Eksodus 22:22

Ny wrewgh tebeldhyghtya gwedhwes vyth po omdhivas.

Eksodus 22:23

Mar kwredh aga thebeldhyghtya, hag i a gri warnav, my a wra klewes aga kri yn sur,

Lavarow Koth 21:7

Freudh an debeles a's skub dhe-ves, drefenn i dhe skonya a wul an pyth yw ewn.

Lavarow Koth 23:11

Rag aga Dasprenyas yw krev; ev a bled aga hen er dha bynn.

Ysay 33:1

Go-jy, ty dhistruer, mes ny veus distruys; ty a draytas, mes nagonan ny wrug dha drayta. Pan astelydh distrui, ty a vydh distruys; pan astelydh trayta, i a wra dha drayta.

Yeremia 30:16

Ytho oll an re a'th tevor a vydh devorys, ha'th eskerens, peub anedha a wra mos yn divroedh; an re a'th pyll a vydh pyllys, hag oll an re a breydh warnas my a wra preydh.

Yeremia 50:34

Aga Dasprenyas yw krev; Arloedh an luyow yw y hanow. Ev a bled aga hen yn sur, may rollo powes dhe'n tir, mes ankres dhe annedhysi Babylon.

Yeremia 51:36

Ytho yndellma y lever an Arloedh: Otta, my a bled dha gen ha diella ragos. My a dhesygh hy mor ha gul dh'y fenten bos sygh;

Mika 7:9

My a berth sorrvann an Arloedh, drefenn re beghis er y bynn, bys pan bled ow hen ha gul breus ragov. Ev a'm hembronk y'n golow; y hwelav y ewnder.

Habakkuk 2:8

Rag ty dhe bylla lies kenedhel, an remenant oll a'n kenedhlow a'th pyll; drefenn goes mab-den, ha garowder erbynn tiryow, erbynn sitys, hag oll an dus usi trigys ynni.

Malaki 3:5

Ha my a dheu nes dhywgh rag breus. Ha my a vydh test uskis erbynn an hudoryon ha'n avoutroryon, ha'n re a de yn fals, hag erbynn an re a doell an gweythor a'y wober, an wedhwes ha'n omdhivas, ha treylya dhe-ves an alyon, ha na berthons own ahanav, yn-medh Arloedh an luyow.

1 Samuel 24:12

Re vreusso an Arloedh yntra my ha ty. Re dallo an Arloedh dial ragov warnas; mes ny vydh ow leuv er dha bynn.

1 Samuel 24:15

Rakhenna re bo an Arloedh breusyas, ha breusi yntra my ha ty, ha gweles, ha pledya ow hen, ha'm delivra mes a'th leuv.’

1 Samuel 25:39

Ha pan glewas Davydh bos Nabal marow, yn-medh ev, ‘Benniges re bo an Arloedh neb re ventenas ow hen rag an despit dhiworth leuv Nabal, hag ev re withas y was dhiworth drog; rag an Arloedh re dreylyas drogober Nabal war y benn y honan.’ Ena Davydh a dhannvonas ha kewsel gans Abigayl, dh'y hemmeres dhodho, dh'y hemmeres avel y wreg.