Lavarow Koth 22:11 - An Bibel Kernewek 20234 (Kernewek Kemmyn)

¹¹ Neb a gar kolonn bur, hag a gews gans gras, a'n jevydh an myghtern avel y goweth.

Lavarow Koth 22:11 ပူးပေါင်းရင်းမြစ်များ

1 Myghternedh 4:5

Azaria mab Nathan esa a-ugh an governours; Zabud mab Nathan o oferyas ha koweth an myghtern;

Ester 10:3

Rag y feu Mordekay an Yedhow nessa wosa myghtern Ahasuerus, ha bras yn mysk an Yedhewon, ha meurgerys gans y vreder pals; ow hwilas les y bobel, hag ow kewsel kres dhe oll y has.

Salmow 101:6

Ow dewlagas a vydh war an re yw len y'n tir, may trikkons genev; neb a gerdh yn fordh dhivlam a vydh ow servont.

Salmow 24:4

An den glan y dhiwleuv ha pur y golonn, na dhrehevis y enev dhe euveredh, na lia yn fals.

Salmow 45:2

Tekka osta jy ages mebyon den; leun a ras yw dha dhiwweus, rakhenna Duw re'th vennigas bynitha.

Lavarow Koth 14:35

Gwas neb a dhyght yn fur a'n jeves favour an myghtern, mes y gonnar a goedh war neb a dhre mewl.

Lavarow Koth 16:13

Gweusyow gwiryon yw an delit a vyghtern, hag ev a gar neb a gews dhodho an pyth yw ewn.

Lavarow Koth 22:12

Dewlagas an Arloedh a with war wodhvos, mes ev a dhomhwel geryow an re dhislen.

Ekklesiastes 10:12

Geryow ganow den fur yw grassyes, mes diwweus foll a wra y distrui.

Daniel 3:30

Ena an myghtern a wrug dhe Shadrak, Meshak hag Abednego seweni yn rannvro Babylon.

Matthew 5:8

‘Gwynn aga bys an re pur aga holonn, rag i a wel Duw.

Luk 4:22

Hag yth esens i oll ow tustunia a-dro dhodho, ha marth a's tevo a'n geryow a ras a dheuth a'y anow, hag yn-medhons, ‘A nyns yw hemma mab Yosep?’