Lavarow Koth 21:8 - An Bibel Kernewek 20234 (Kernewek Kemmyn)

⁸ Fordh an gour kablus yw kamm, mes ober an den pur yw ewn.

Lavarow Koth 21:8 ပူးပေါင်းရင်းမြစ်များ

Jenesis 6:12

Ha Duw a welas an nor hag awotta, legrys ova, rag pub kig re wrussa legri y fordh war an nor.

Lavarow Koth 15:26

Tybyansow an tebelwas yw tra gasadow dhe'n Arloedh, mes geryow grassyes yw plegadow dhodho.

Lavarow Koth 2:15

tus yw kamm aga hynsyow ha gwius aga fordhow.

Lavarow Koth 21:9

Gwell yw triga yn kornell a'n to ages triga yn chi war-barth gans gwreg gavyllek.

Lavarow Koth 30:12

Yma re yw pur yn aga dewlagas aga honan, mes nyns yns i glanhes a'ga fodredhes.

Ekklesiastes 7:29

Mir, hemma unnsel re gevis, Duw a wrug mab-den ewnhynsek, mes i, i re hwilas lies droktowl.’

Ekklesiastes 9:3

Hemm yw drog kevys yn pup-tra gwrys yn-dann an howl – yma an keth tenkys ow kortos pubonan. Dres henna, leun a dhrog yw kolonn mebyon den hag yn aga holonn yma follneth hedre vons bew, hag a-wosa yth ons dhe'n re varow.

Ysay 26:7

Fordh an den gwiryon yw kompes; ty a wra leven hyns an den gwiryon.

Ysay 59:8

Ny aswonnons an fordh a gres, ha nyns eus ewnder yn aga olow. I re wrug aga hynsyow kamm; neb a gerdh ynna ny aswonn kres.

Daniel 12:10

Lies a vydh purhes, ha kannyes, ha prevys, mes an debeles a bes ow kul drog. Nagonan a'n debeles ny gonvedh; mes an re fur a gonvedh.

Matthew 12:33

‘Poken gwrewgh an wydhenn dhe vos da ha'y frut da, po gwrewgh an wydhenn dhe vos podredhek ha'y frut podredhek, rag dre hy frut yth yw an wydhenn aswonnys.

Matthew 5:8

‘Gwynn aga bys an re pur aga holonn, rag i a wel Duw.

Oberow 15:9

hag ow glanhe aga holonnow dre fydh ny wrug ev dyffrans yntra ni hag i.

1 Korinthianys 3:3

rag hwath a'n kig yth owgh. Rag a-ban eus avi ha kedrynn yn agas mysk, a nyns owgh hwi a'n kig, hag a nyns esowgh hwi owth omdhegi kepar ha tus kemmyn?

Titus 1:15

Pup-tra yw glan dhe'n re yw glan, mes dhe'n re yw legrys ha diskryjyk, nyns yw travyth glan, mes legrys yw ha'ga brys ha'ga howses.

Titus 2:14

neb a omros ragon ni may hwrella agan dasprena dhiworth pub ober dilagha ha glanhe ragdho pobel dh'y berghennogeth y honan, diwysyk yn gwriansow da.

Titus 3:3

Rag ni ynwedh o foll, diwostydh, toellys, kethwesyon dhe drokhwansow ha plesours divers, ow pewa yn atti hag avi, kasadow, hag ow kasa an eyl y gila.

Titus 3:5

ny'gan selwis ev dre wriansow a wrussyn ni yn ewnder, mes war-lergh y dregeredh ev dre wolghi daskenesigeth ha nowydhheans an Spyrys Sans

1 Yowann 2:29

Mar kodhowgh y vos ewn, y hwodhowgh pubonan a wra ewnder dhe vos dineythys anodho.

1 Yowann 3:3

Ha pub den a'n jeves an govenek ma ynno a omlanha, poran dell yw ev glan.