Lavarow Koth 21:2 - An Bibel Kernewek 20234 (Kernewek Kemmyn)

² Pub fordh gour yw ewn yn y dhewlagas y honan, mes an Arloedh a vantol an golonn.

Lavarow Koth 21:2 ပူးပေါင်းရင်းမြစ်များ

Job 31:6

re biv poesys yn mantol a ewnder, hag ena Duw a woer ow bos divlam –

Salmow 36:2

Rag ev a fekyl y honan a-dherag y dhewlagas y honan na vydh y gammweyth kasadow diskudhys.

Lavarow Koth 12:15

Fordh den foll yw ewn yn y dhewlagas y honan, mes den fur a woslow orth kusul.

Lavarow Koth 16:2

Oll fordhow gour yw pur yn y dhewlagas y honan, mes an Arloedh a vantol an spyrysyon.

Lavarow Koth 16:25

Yma fordh a hevel bos ewn dhe wour, mes hy diwedh yw an fordh dhe ankow.

Lavarow Koth 17:3

An teudhlester yw rag arghans, ha'n forn yw rag owr, mes an Arloedh a brev kolonnow.

Lavarow Koth 20:6

Lies den yw gelwys gour tregeredhus, mes gour lel, piw a yll y gavoes?

Lavarow Koth 24:12

Mar leverydh, ‘Ny'n godhyen’, a ny'n gwel ev neb a boes an kolonnow? A ny'n goer ev neb a with dha enev? A ny attal dhe dhen herwydh y oberow?

Lavarow Koth 30:12

Yma re yw pur yn aga dewlagas aga honan, mes nyns yns i glanhes a'ga fodredhes.

Yeremia 17:10

My an Arloedh a hwither an golonn, ha previ an dhiwloneth, dhe ri dhe beub herwydh y fordhow, ha herwydh frut y oberow.

Daniel 5:27

tekel, ty re beu poesys y'n vantol ha kevys re skav;

Luk 16:15

Hag ev a leveris dhedha, ‘Hwi yw an re a justifi aga honan a-wel tus, mes Duw a aswonn agas kolonn; rag an dra eksaltys yn mysk tus yw pyth kasadow a-wel Duw.

Galatianys 6:3

Rag mar tyb neb den y vos neppyth pan nag yw ev travyth, ev a omdoell.

Jamys 1:22

Bedhewgh gwrioryon a'n ger, heb bos goslowysi yn unnsel, owth omdoella.

Diskwedhyans 2:23

Ha my a ladh hy fleghes yn farow; ha'n eglosyow oll a wra godhvos ow bos neb a hwila an lonethi ha'n kolonnow: hag y rov dhywgh hwi pubonan war-lergh agas gwriansow.

1 Samuel 16:7

Mes yn-medh an Arloedh dhe Samuel, ‘Na vir war naneyl y semlans na hirder y gorf, drefenn my dh'y skonya; rag ny wra an Arloedh gweles kepar dell wel mab-den; rag mab-den a vir war an semlans, mes an Arloedh a vir war an golonn.’