Lavarow Koth 21:16 - An Bibel Kernewek 20234 (Kernewek Kemmyn)

¹⁶ Neb a wander dhiworth an fordh a gonvedhes a wra powes yn kuntelles spyrysyon an re varow.

Lavarow Koth 21:16 ပူးပေါင်းရင်းမြစ်များ

Salmow 125:5

An re a dreyl a-denewen dh'aga fordhow kamm an Arloedh a's hembronk dhe-ves gans an dhrogoberoryon. Re bo kres war Ysrael.

Salmow 49:14

Avel deves ymons i gorrys yn ifarn; ankow a's bugel, ha'n re ewnhynsek a wra maystri warnedha y'n myttin. i a dhiyskynn dison dhe'n bedh. Aga furv a beder y ifarn; pell dhiworth aga chiow ughel.

Lavarow Koth 11:19

Neb yw fyrv yn ewnder a vew, mes holya droktra a led dhe ankow.

Lavarow Koth 13:20

Neb a gerdh gans tus fur a dheu ha bos fur, mes koweth an re foll a berth dregynn.

Lavarow Koth 19:16

Neb a with an gorhemmynn a with y enev; neb a dhispres y fordhow a verow.

Lavarow Koth 2:13

an dus a forsak an hynsyow a ewnder rag kerdhes y'n hynsyow a dewlder,

Lavarow Koth 5:23

Ev a verow drefenn fowt a dhyskybleth, ha drefenn y follneth veur yth a yn stray.

Lavarow Koth 9:18

Mes ny woer ev spyrysyon an re varow dhe vos ena, ha bos hy gwestoryon yn downderyow ifarn.

Ezekiel 18:24

Mes pan dreyl an den gwiryon dhiworth y wiryonedh ha gul war-lergh oll an taklow kasadow a wra an tebelwas, a vew ev? Ny vydh kovhes travyth a'y wiryonedh a wrug; drefenn an dislelder ha'n peghes a wrug, ev a verow.

Sefania 1:6

ha'n re a dreyl dhiworth an Arloedh; ha'n re na hwilas an Arloedh ha na wovynnas kusul dhiworto.

Efesianys 2:1

Ha hwi a veu marow yn agas drogoberow ha'gas peghosow

Ebrowyon 10:38

mes ow den gwiryon a wra bewa dre fydh, ha mar kildenn, ny gemmer ow enev plesour ynno.’

1 Yowann 2:19

I eth yn-mes a-dhiworthyn, mes ahanan nyns esens; rag mar pens i ahanan, y pessens genen; mes i eth yn-mes, rag may fo diskwedhys nag esens i oll dhiworthyn ni.

Lyther Yud 1:12

An re ma yw kudhys, kepar dell vens i morgribow, yn agas prysyow-boes a gerensa, hag a wra kevewya heb own kepar ha bugeledh owth omvaga: kommolennow heb dowr, degys hwymm-hwamm gans an awelyow, gwydhennow yn kynyav helergh heb frut vyth, diwweyth marow, diwreydhys;