Lavarow Koth 21:1 - An Bibel Kernewek 20234 (Kernewek Kemmyn)

¹ Kolonn an myghtern yw gover a dhowr yn leuv an Arloedh; ev a's treyl py le pynag y fynno.

Lavarow Koth 21:1 ပူးပေါင်းရင်းမြစ်များ

2 Myghternedh 19:33

War an fordh may teuth, war an keth honna ev a dhehwel; ny dheu a-ji dhe'n sita ma, yn-medh an Arloedh.

Ezra 1:1

Yn kynsa blydhen Kyrus myghtern Persia, may fe kollenwys ger an Arloedh dre anow Yeremia, an Arloedh a wrug spyrys Kyrus myghtern Persia dhe dhifuna, may tannvonna gwarnyans der y wlaskor oll, hag ynwedh ev a'n gwrug yn skrif, ow leverel,

Ezra 1:2

‘Yndellma y lever Kyrus myghtern Persia: An Arloedh Duw nev, re ros dhymm oll ruvanethow an norvys; hag ev re erghis dhymm drehevel dhodho chi yn Yerusalem, usi yn Yuda.

Ezra 6:22

ha solempnya goel an bara heb goell dres seyth dydh gans lowena, rag an Arloedh a's lowenhas, ha treylya kolonn myghtern Asshur dhedha, rag aga gweres yn ober chi Duw, Duw Ysrael.

Nehemia 1:11

A Arloedh, my a'th pys, bedhes dha skovarn hewoel dhe bysadow dha was, ha dhe bysadow dha wesyon neb yw hwansek dhe berthi own a'th hanow. Ro sewena, my a'th pys, dhe'th was an jydh ma, ha gront dhodho truedh yn golok an gour ma!’ Yth en vy hanafor an myghtern.

Nehemia 2:4

An myghtern a leveris dhymm, ‘Pandr'a wovynnydh orthiv?’ Ytho my a bysis dhe Dhuw an nevow.

Nehemia 2:8

ha lyther dhe Asaf, gwithyas koeswik an myghtern, may rollo dhymm prenn dhe wul jistys rag yetow an palys, ha rag fos an sita, ha rag an chi may fydhav trigys.’ Ha'n myghtern a wrontyas dhymm ow gorholedhow, rag bos leuv dha ow Duw warnav.

Ester 2:17

Ha'n myghtern a garas Ester dres oll an benynes, ha hi a gavas gras ha favour a-ragdho moy ages oll an gwyrghesow; ytho ev a settyas an tulyfant ryel war hy fenn, ha'y gul myghternes yn le Vashti.

Salmow 105:25

Ev a dreylyas aga holonn may kassens y bobel, ha dyghtya y wesyon yn fals.

Salmow 106:46

hag ev a wrug dhedha kavoes truedh dhiworth oll an re a's kemmeras yn kethneth.

Salmow 114:3

An mor a welas henna, ha fia; an Yordan a dreylyas war-dhelergh.

Salmow 114:5

Pandr'a hwer dhis, A vor, ty dhe fia, ty, Yordan, dhe dreylya war-dhelergh?

Salmow 74:15

Ty a folsas an fenten ha'n fros; ty a dhesyghas avonyow prest ow resek.

Salmow 93:4

Kreffa ages dowrow meur, kreffa ages an mordonnow, yw an Arloedh, galloesek y'n ughelder.

Eksodus 7:3

Ha my a wra kaleshe kolonn Faro, ha liesplekhe ow thoknys hag anethow yn pow Ejyp,

Lavarow Koth 16:1

Mab-den a bew towlow an golonn, mes gorthyp an taves a dheu dhiworth Arloedh.

Lavarow Koth 16:9

Brys den a dewl towl y fordhow, mes an Arloedh a gevarwoedh kammow y dhewdroes.

Lavarow Koth 20:24

Kammow gour yw ordenys gans an Arloedh, ytho fatell yll den konvedhes y fordh y honan?

Ysay 43:19

Otta, y hwrav tra nowydh, lemmyn y hwra ev egina: a ny'n gwelowgh? My a wra hyns y'n difeythtir, avonyow y'n gwylvos.

Ysay 44:27

neb a lever dhe'n keynvor, ‘Bydh sygh! ha my a sygh agas avonyow’;

Yeremia 39:12

Kemmer ev ha'y dhyghtya yn ta, ha na wra dregynn dhodho; mes gwra ganso par dell wovynn orthis.

Daniel 4:35

ha pub annedhyas a'n norvys yw reknys avel mann; kepar dell vynno y hwra yn mysk lu an nev, hag yn mysk annedhysi an norvys; ny yll denvyth lettya y dhorn na leverel dhodho, ‘Pandr'a wredh?’

Oberow 7:10

hag ev a'n sawyas mes a'y boenvos oll, ha ri dhodho favour ha furneth dherag Faro myghtern Ejyp, neb a'n ordenas governour dres Ejyp ha dres y goskordh oll.

Diskwedhyans 16:12

Ha'n hweghves a skoellyas y fiol war an avon vras Ewfrates; ha'y dowr a veu syghys may halla bos pareusys fordh an vyghternedh dhiworth an howldrevel.

Diskwedhyans 16:4

Ha'n tressa a skoellyas y fiol war an avonyow ha fentynyow an dowrow, ha goes ethons i ha bos.