Lavarow Koth 20:30 - An Bibel Kernewek 20234 (Kernewek Kemmyn)

³⁰ Strokosow hag a woli a garth droktra dhe-ves, ha boemmennow a lanha an rannow a-bervedh.

Lavarow Koth 20:30 ပူးပေါင်းရင်းမြစ်များ

Salmow 89:32

ena my a gessydh aga threuspass gans an welenn ha'ga hammweyth gans strokosow.

Lavarow Koth 19:25

Gwask skornyer ha'n den sempel a dhysk doethter; keredh den a gonvedhes, hag ev a'n jevydh godhvos.

Lavarow Koth 22:15

Follneth yw kelmys yn kolonn maw, mes gwelenn dyskybleth a's herdh pell dhiworto.

Lavarow Koth 27:6

Lel yw goliow kar, mes pals yw ammow eskar.

Ysay 27:9

Rakhenna, yndellma anewnder Yakob a vydh prenys, ha hemma a vydh an frut leun ow treylya dhe-ves y begh: pan worr oll meyn an alter avel meyn krey dralyes, ny sev Asherim nag alteryow ynkys.

Ysay 53:5

Mes rag agan kammweythresow y feu ev goliys, brewys rag agan peghosow; ev a borthas an geredh a dhre dhyn kres, ha gans y strokosow sawys on.

Ebrowyon 12:10

Rag i a'gan kessydhyas rag nebes dydhyow herwydh aga bodh, mes ev a'gan kessydh dh'agan les may kevrennyn yn y sansoleth.

1 Peder 2:24

Ev y honan a borthas agan peghosow y'n prenn, may hwryllyn ni, marow dhe beghosow, bewa dhe ewnder. Gans y woliow sawys vewgh hwi.